IND vs SA: વન ડે ટીમના કેપ્ટન તરીકે જાહેર થયા બાદ KL Rahulએ જાહેર કરી દિલની વાત, શેર કરી તસવીર

દક્ષિણ આફ્રિકા સામેની 3 મેચની ODI શ્રેણી (IND vs SA ODI Series) માટે ભારતીય ક્રિકેટ ટીમની શુક્રવારે જાહેરાત કરવામાં આવી હતી. આ સિરીઝ માટે કેએલ રાહુલને (KL Rahul Named As Captain Ahead of IND vs SA ODI Series) કેપ્ટનશિપ આપવામાં આવી છે જ્યારે રોહિત શર્મા ઈજાના કારણે બહાર રહેશે. ખાસ વાત એ છે કે વિરાટ કોહલી (Virat Kohli IND vs SA Player) એક ખેલાડી તરીકે ટીમમાં સામેલ થશે એટલે કે તે રાહુલની કેપ્ટનશીપમાં રમતો જોવા મળશે.

ટીમ ઈન્ડિયા માટે આ ટેસ્ટ શ્રેણીના વાઇસ કેપ્ટનની જવાબદારી નિભાવી રહેલા કે.એલ. રાહુલને બીસીસીઆઈ ભવિષ્યના કેપ્ટન તરીકે જુએ છે. રાહુલને વનડે ટીમનો કેપ્ટન જાહેર કર્યા બાદ આજે તેણે વર્ષ 2022ના પહેલા જ દિવસ ઈન્સ્ટાગ્રામમાં આ બે તસવીરો મૂકી અને એક સૂચક કેપ્શન મૂકી છે.

આ બીજી તસવીર છે જેમાં ટીમ ઈન્ડિયાના બ્લૂ કલરના યુનિફોર્મ સાથેની લાઇટમાં ચમકતો નવો કેપ્ટન રાહુલ જોવા મળી રહ્યો છે. કે.એલ. રાહુલે કેપ્શનમાં લખ્યું છે કે 'કીપ મી વેર લાઇટ ઇઝ' એટલે કે જ્યાં રોશની હોય ત્યાં મને રાખજો. રાહુલ ખરેખર આ રોશનીની જેમ ઝળહળી ઉઠ્યો છે.

વર્ષ 2021નો અંત પણ રાહુલ માટે ધમાકેદાર રહ્યો હતો. સેન્ચુરિયનમાં પહેલી જ ટેસ્ટમાં વિદેશની ભૂમિ પર ચેલેન્જિંગ વાતાવરણમાં રાહુલ 123 રનની ધમાકેદાર ઈનિંગ રમી હતી. રાહુલની સદીની મદદથી પહેલી ઈનિંગમાં ટીમ ઈન્ડિયા સવા ત્રણસો રનનો માતબર સ્કોર કરી શકી હતી.

વર્ષ 2022 રાહુલ માટે ખરેખર રોશની લઈને આવ્યું છે. ટીમ જાહેર કરતા મુખ્ય પસંદગીરકાર ચેતન શર્માએ પણ કહ્યું હતું કે અમે કેએલ રાહુલની લીડર તરીકે ઘડવા માંગીએ છીએ. આમ સૌરવ ગાંગુલીના પ્રભુત્વવાળા બીસીસીઆઈએ રોહિત શર્મા પછીનો કેપ્ટન પણ અત્યારથી જ જાહેર કરી દીધો છે.