WWE સુપર સ્ટાર John Cena બન્યો MS Dhoniનો ચાહક! ઈન્સ્ટાગ્રામમાં શેર કરી તસવીર

વર્લ્ડ રેસલિંગ એન્ટરટેઇનમેન્ટ અને હૉલિવૂડનો સ્ટાર જ્હોન સીના (WWE Superstar John Cena) મહેન્દ્રસિંઘ ધોનીનો ચાહક બની ગયો છે. (MS Dhoni) જ્હોન સીનાએ તેના ઈન્સ્ટાગ્રામ પર ધોનીની તસવીર શેર કરી છે. ધોનીની આ તસવીર જ્હોન સીનાએ મૂકતા ચાહકો ઝૂમી ઉઠ્યા છે. ક્રિકેટ નથી રમાતું એવા અમેરિકાના એક રેસલિંગ સુપરસ્ટારે ધોનીની તસવીર મૂકતા કોયડો ગૂંચવાયો છે.

16વાર WWE ચેમ્પિયન બનેલા જ્હોનસીનાએ તેના ઈન્સ્ટાગ્રામ એકાઉન્ટ પરથી અગાઉ પણ કેટલાક ભારતીય સુપરસ્ટાર તસવીરો શેર કરી છે. હવે એમાં ધોનીનો ઉમેરો થયો છે. જ્હોન સીનાએ અગાઉ વિરાટ કોહલી અને શાહરૂખ ખાનની તસવીર પણ શેર કરી હતી. જોકે, હવે તેણે એમ.એસ. ધોનીની તસવીર શેર કરી છે.

ટીમ ઈન્ડિયાના મેન્ટર તરીકે દુબઈ ગયેલા ધોનીની આ તસવીર શેર કરી અને જ્હોન સીનાએ તેમાં કઈ કેપ્શન લખ્યું નથી. ચાહકો તેને પીઆર સ્ટન્ટ પણ ગણાવી રહ્યા છે. પોતાની ઈન્સ્ટાગ્રામ રીચ વધારવાનો કીમિયો પણ હોઈ શકે છે.

જ્હોન સીનાને હાલમાં ઈન્સ્ટાગ્રામ પર 17.7 મિલિય લોકો એટલે કે લગભગ 1.70 કરોડ લોકો ફોલો કરે છે પરંતુ આ સુપરસ્ટાર કોઈને ફોલો કરતો નથી. સીનાએ ગઈકાલે આ તસવીરે શેર કરતા ચાહકો ગોટાળે ચઢ્યા હતા.

અગાઉ જ્હોન સીનાએ 12મી જૂનના રોજ વિરાટ કોહલીની તસવીર શેર કરી હતી. ત્યારે પણ તેના પર પબ્લિસિટી માટે આવું કરવાનો આક્ષેપ લાગ્યો હતો. પોતાના સોશિયલ મીડિયા હેન્ડલ પર ભારતીય ફોલોવર્સ વધારવા માટે આવું કરતો હોવાનો નિષ્ણાતોનો મત છે.