ક્રિકેટર જસપ્રીત બુમરાહના સંજના ગણેશન સાથે થયા લગ્ન, સામે આવી પ્રથમ તસવીર

મુંબઈ : ટીમ ઇન્ડિયાનો ફાસ્ટ બોલર જસપ્રીત બુમરાહ (Jasprit Bumrah) આજે ટીવી પ્રેઝન્ટર સંજના ગણેશન (Sanjana Ganeshan) સાથે લગ્નના બંધનમાં બંધાઇ ગયો છે. બંનેના અનંત કારજની વિધિ ગોવાના એક ગુરુદ્વારામાં થઈ હતી. બુમરાહ અને સંજનાએ એક પ્રાઇવેટ ફંક્શનમાં પોતાના સંબંધીઓ અને ખાસ મિત્રોની હાજરીમાં લગ્ન કર્યા છે. (તસવીર - મુંબઈ ઇન્ડિયન્સ ટ્વિટર)

બુમરાહ અને સંજનાના લગ્ન પછી તેમની તસવીર પણ સામે આવી છે. આઈપીએલ ટીમ મુંબઇ ઇન્ડિયન્સે બુમરાહના લગ્નની તસવીર ટ્વિટ કરી છે. બુમરાહ અને સંજના છેલ્લા ઘણા દિવસોથી સોશિયલ મીડિયા પર ટ્રેન્ડ કરી રહ્યા છે.(તસવીર - મુંબઈ ઇન્ડિયન્સ ટ્વિટર)

સંજના આઇપીએલમાં એન્કર છે અને તે વર્લ્ડ કપ 2019ને પણ કવર કરી ચૂકી છે. સંજના ગણેશન એન્જિનિયરિંગ પણ કરી ચૂકી છે. જોકે તેણે મોડલિંગની તરફ ફોકસ કર્યું હતું અને વર્ષ 2014માં તે મિસ ઈન્ડિયાની ફાઇનલ સુધી પહોંચી હતી. (તસવીર- સંજના ગણેશન ઇન્સ્ટાગ્રામ)

સંજનાએ એમટીવીના રિયાલિટી શો સ્પિલ્ટ્સ વિલાથી ટીવી પર પોતાનું ડેબ્યૂ કર્યું હતું. સંજના ગણેશને વર્ષ 2013માં ફેમિના ગોર્જિયસનું ટાઇટલ જીત્યું હતું. (તસવીર- સંજના ગણેશન ઇન્સ્ટાગ્રામ)