કોચ બનવાની ઇરફાન પઠાણની તૈયારી પૂર્ણ! રાહુલ દ્રવિડનો માન્યો આભાર

નવી દિલ્હી: ગયા વર્ષે ક્રિકેટના તમામ ફોર્મેટને અલવિદા કહેનાર ભૂતપૂર્વ ભારતીય ઓલરાઉન્ડર ઇરફાન પઠાણ કોચિંગની દુનિયામાં પગ મૂકવાની તૈયારી કરી રહ્યો છે. તેણે તાજેતરમાં જ નેશનલ ક્રિકેટ એકેડમી અને BCCI દ્વારા આયોજિત 8 દિવસનો લેવલ 2 હાઇબ્રિડ કોચ કોર્સ પૂર્ણ કર્યો છે. (Irfan PathanInstagram)

જમ્મુ -કાશ્મીરના માર્ગદર્શક રહી ચૂકેલા પઠાણે ઇન્સ્ટાગ્રામ પર એક પોસ્ટ શેર કરી અને આ માટે NCA ચીફ રાહુલ દ્રવિડનો આભાર પણ માન્યો. પઠાણમાં એક તસવીર પણ શેર કરી છે. (Irfan PathanInstagram)

તસવીરમાં તેમના સિવાય યુસુફ પઠાણ, નમન ઓઝા, અભિષેક નાય્યર, અશોક ડિંડા, વીઆરવી સિંહ અને પરવેઝ રસૂલ સહિત ઘણા ભૂતપૂર્વ ભારતીય ક્રિકેટરો નજરે પડે છે. (Irfan PathanInstagram)

એનસીએના વડા રાહુલ દ્રવિડ સહિતના બાકીના સભ્યોને તાલીમ દરમિયાન માર્ગદર્શન આપવા બદલ તેમનો આભાર માનતા પઠાણે કહ્યું કે, "મારા ચાહકો સાથે શેર કરવા માટે ઉત્સાહિત છું કે મેં એનસીએ બીસીસીઆઈનો લેવલ 2 હાઇબ્રિડ કોર્સ પૂર્ણ કર્યો છે. (Irfan PathanInstagram)

મને અને તમામ ખેલાડીઓને 8 દિવસની ઉત્તમ તાલીમ આપવા બદલ હું રાહુલ ભાઈ અને અન્ય સભ્યોનો આભાર માનું છું. તે યોગ્ય અભિગમ સાથેની પ્રક્રિયા છે. ઈરફાન પઠાણે 2003-2004માં ઓસ્ટ્રેલિયા પ્રવાસથી આંતરરાષ્ટ્રીય ક્રિકેટમાં પ્રવેશ કર્યો હતો. (Irfan PathanInstagram)