IPL Final 2022: IPLની ફાઇનલમાં કોણ જીતશે? આ 5 ખેલાડીઓ કરશે નક્કી, માત્ર આ 3એ મળીને બનાવ્યા 1700 રન

IPL Final 2022: IPL 2022ની ફાઇનલમાં ફરી એકવાર બેટ્સમેન રનનો વરસાદ કરી શકે છે. T20 લીગની 15મી સિઝનની ફાઇનલ રવિવારે રાજસ્થાન રોયલ્સ અને ગુજરાત ટાઇટન્સ (rajasthan royals gujarat titans) વચ્ચે રમાવાની છે. આ મેચ અમદાવાદ (Ahmedabad) ના નરેન્દ્ર મોદી સ્ટેડિયમ (narendra modi stadium) માં રમાવાની છે. રાજસ્થાનના ઓપનર બેટ્સમેન જોસ બટલરે અત્યાર સુધીમાં 4 સદી ફટકારી છે. (GT Instagram)

બટલરે (Jos buttler) 16 ઇનિંગ્સમાં 59ની એવરેજથી 824 રન બનાવ્યા છે. 4 અડધી સદી પણ ફટકારી છે. એટલે કે 8 વખત 50 થી વધુ રનની ઇનિંગ રમી છે. આ દરમિયાન તેનો સ્ટ્રાઈક રેટ 151 રહ્યો છે. તો, ટીમનો અન્ય કોઈ બેટ્સમેન 450 રન પણ બનાવી શક્યો નથી. આ પરથી તેના સારા પ્રદર્શન સમજી શકાય છે. (Jos Buttler Instagram)

ગુજરાત ટાઇટન્સ તરફથી કેપ્ટન હાર્દિક પંડ્યા (Hardik Pandya) એ 4 અડધી સદીની મદદથી 453 રન બનાવ્યા છે. સ્ટ્રાઈક રેટ 133 છે. તો, ટીમના અન્ય બેટ્સમેન ડેવિડ મિલરે (david miller) 64ની એવરેજથી 449 રન બનાવ્યા હતા. સ્ટ્રાઈક રેટ 141 છે. પંડ્યા અને મિલર બંને અત્યાર સુધી રાજસ્થાન સામેની 2 મેચમાં આઉટ થયા નથી. (GT Instagram)

જોસ બટલર, પંડ્યા અને મિલરના રન ઉમેરીએ તો તે 1700થી વધુ થઈ જાય છે. આ ત્રણેય ખેલાડીઓ ફાઇનલમાં મહત્વના રહેશે. જ્યાં બટલર શરૂઆતથી જ ટીમને સંભાળે છે અને આક્રમક બેટિંગ કરે છે. બીજી તરફ મિલર અને પંડ્યાએ અત્યાર સુધી મિડલ ઓર્ડરમાં ટીમ માટે શાનદાર પ્રદર્શન કર્યું છે. (GT Instagram)

બોલરોની વાત કરીએ તો, રાજસ્થાન રોયલ્સનો લેગ સ્પિનર ​​યુઝવેન્દ્ર ચહલે (yuzvendra chahal) અત્યાર સુધી શાનદાર પ્રદર્શન કર્યું છે. તેણે 20ની એવરેજથી 26 વિકેટ લીધી છે. તેનું સર્વશ્રેષ્ઠ પ્રદર્શન 40 રનમાં 5 વિકેટ છે. તો ઈકોનોમિ લગભગ 8 આસપાસ છે. તેણે હેટ્રિક પણ લીધી છે. (RR Instagram)

ગુજરાત તરફથી ટીમને સારી શરૂઆત અપાવવાની જવાબદારી ફાસ્ટ બોલર મોહમ્મદ શમી (muhammad sami) પર છે. તેણે અત્યાર સુધી 24ની એવરેજથી 19 વિકેટ ઝડપી છે. તેનું સર્વશ્રેષ્ઠ પ્રદર્શન 25 રનમાં 3 વિકેટ છે. ઈકોનોમી લગભગ 8 ની નજીક છે. (પીટીઆઈ)