IPLથી નસીબ બદલાયુંઃ સામાન્ય પરિવારમાંથી આવતા આ ખેલાડીઓ કરે છે કરોડોની કમાણી

હાર્દિક પંડ્યા એકદમ ગુજરાતનાં એક સામાન્ય પરિવારમાંથી આવે છે અને આજે કરોડપતિ છે. એક એવો પણ સમય હતો જ્યારે હાર્દિક પંડ્યા 300 રૂપિયા માટે ગુજરાતમાં ગામડે ગામડે જઇને ક્રિકેટ રમતા હતાં. હાર્દિકનો જન્મ 11 ઓક્ટોબર 1993માં થયો છે. ટીમ ઇન્ડિયાનાં ઓલરાઉન્ડર હાર્દિક મુંબઇ ઇન્ડિયન્સ માટે રમે છે.

કૃણાલ પંડ્યા ઇન્ટરનેશનલ ક્રિકેટર હાર્દિક પંડ્યાનાં ભાઈ છે. તેઓ પણ હાર્દિક પંડ્યાની જેમ ઓલરાઉન્ડર છે અને મુંબઇ ઇન્ડિયન્સ માટે રમે છે. કૃણાલ ડાબા હાથથી બોલિંગ અને બેટિંગ કરે છે. બંન્ને પંડ્યા બ્રધર્સ આઈપીએલમાં ધમાકેદાર રમે છે. પોતાના ટેલેન્ટનાં કારણે આ ખેલાડીઓ હાલ કરોડોમાં રમે છે.

નાથૂ સિંહનું આખુ નામ નાથૂ ભરત સિંહ છે. 8 સપ્ટેમ્બર 1995નાં જન્મેલા નાથૂ ગુજરાત લાયન્સ તરફથી રમે છે અને ફાસ્ટ બોલર છે. તેમના પિતા ભરત સિંહ વાયર ફેક્ટરીમાં મજૂરી કરતા હતા. તે પહેલા તેમના પિતા ખેતી કરતા હતા. નાથૂ જ્યારે તે ઘરની આસપાસ ક્રિકેટ રમતો ત્યારે કોઇએ તેના પિતાને કહ્યું હતું કે તે ઘણો જ ફાસ્ટ બોલ નાંખે છે. તેને ક્રિકેટ રમવું જોઇએ.

ફાસ્ટ બોલર થંગરાસુ નટરાજન કિંગ્સ ઇલેવન પંજાબ તરફથી પહેલી વખત આઈપીએલમાં રમ્યાં હતાં. ત્યારે તેમની બોલી 3 કરોડમાં લાગી હતી. નટરાજનનાં પિતા સાડીની ફેક્ટરીમાં કામ કરતા એક નાના કર્મચારી છે. તેમની માતા એક નાની દુકાન ચલાવે છે. 2010-11માં નટરાજને પહેલી વાર ટીએનસીએ લીગ માટે રમ્યાં હતાં. તે પછી લોકપ્રિય ક્લબ જોલી રોવર્સ માટે રમ્યો. તેમના માટે સૌથી મોટો બદલાવ ગયા વર્ષે જ આવ્યો જ્યારે તેમણે તમિલનાડુ પ્રીમિયર લીગમાં શાનદાર પ્રદર્શન કર્યું. જેનાથી આઈપીએલ અધિકારીઓની નજર તેમની પર પડી.

મોહમ્મદ સિરાઝનાં પિતા એક ઓટો ડ્રાઇવર છે. સિરાઝ આઈપીએલમાં રોયલ ચેલેન્જર્સ બેંગ્લુરૂ તરફથી રમે છે. તેઓ શાનદાર બોલર છે. 2017માં તેમણે પહેલી વાર ટી-20માં ડેબ્યુ કર્યું હતું. પોતાની પહેલી જ સીઝનમાં 6 મેચમાં તેમણે 10 વિકેટ લઇને ચર્ચામાં આવ્યાં હતાં.