IPL Auction: આઈપીએલની હરાજીમાં ગુજરાતની ટીમના સોદા, ફર્ગ્યૂસન 10 કરોડ, તિવેટીયા 9 કરોડ, શામીને 6 કરોડમાં લીધા

IPL Auction Gujarat Titans Players List: આઈપીએલ મેગા ઓક્શનમાં આજે પ્રથમ દિવસે રોમાંચક ખરીદીઓ થઈ રહી છે. દરેક ટીમ પોતાના બજેટ અને લીસ્ટ પ્રમાણે નવા ખેલાડી ખરીદી રહી છે. ગુજરાત ટાઇટન્સ (Gujarat Titans) પહેલીવાર આઈપીએલમાં રમી રહી છે અને તેના સોદા (Gujarat Titans) પાડી રહી છે. ગુજરાતની ટીમે આજે અત્યારસુધીમાં લોકી ફર્ગ્યૂસન (Lockie FERGUSON)નો સૌથી મોંઘો સોદો પાડ્યો છે. ફર્ગ્યૂસનને ગુજરાતે 10 કરોડમાં ખરીદ્યો છે.

ગુજરાત ટાઇટન્સ (Gujarat Titans) બીજી રસપ્રદ ખરીદી રાહુલ તિવેટિયા (Rahul Tewatia)ની કરી છે. રાહુલ તેવિટીયાની બેઝ પ્રાઇઝ કરતા અનેક ગણા રૂપિયા વધારે તેને મળ્યા છે અને ગુજરાતની ટીમે 9 કરોડ રૂપિયામાં ખરીદ્યો છે.

ગુજરાત ટાઇટન્સ (Gujarat Titans) ઈંગ્લેન્ડના ખેલાડી જેસન રોયને (Jason roy)ને ખૂબ નીચી કિંમતે ખરીદી લીધો હતો. રોયને ફક્ત રૂપિયા 2.00 કરોડમાં અમદાવાદની ટીમ ખરીદવામાં સફળ રહી હતી.

ગુજરાત ટાઇટન્સ (Gujarat Titans)એ આજની પહેલી ખરીદી મોહમ્મદ શામીની કરી હતી. શામીને ગુજરાતે 6.25 કરોડ રૂપિયામાં ખરીદ્યો હતો. ટીમમાં જોડાયા બાદ શામીએ વીડિયો મેસેજ આપ્યો હતો અને કહ્યું હતું કે કેમ છો ગુજરાત હું ગુજરાતની ટીમ સાથે જોડાઈને ખૂબ ખુશ છું અને ગુજરાતમાં રમવા આતુર છું.