IPL 2023: આઈપીએલમાં અત્યાર સુધીમાં સૌથી ઓછા ધોવાયેલા બોલરો કયા? લિસ્ટ વાંચશો તો વિશ્વાસ નહીં થાય

ભારતીય ક્રિકેટ ટીમનો શાનદાર સ્વિંગ કિંગ અનેઅનુભવી ફાસ્ટ બોલર ભુવનેશ્વર કુમાર IPL ઈતિહાસનો સૌથી કંજૂસ એટ્લે કે ઈકોનોમી બોલર રહ્યો છે. ભુવી આ T20 લીગમાં અત્યાર સુધી 3 ટીમો તરફથી રમી ચૂક્યો છે. તે IPL 2023માં સનરાઇઝર્સ હૈદરાબાદ (SRH) તરફથી રમતો દેખાશે. ભૂવિએ અત્યાર સુધી 146 IPL મેચોમાં 542 ઓવર ફેંકી છે. (AFP)

યુપી માટે ડોમેસ્ટિક ક્રિકેટ રમી રહેલા જમણેરી ઝડપી બોલર ભુવનેશ્વર કુમારે  IPL માં 1406 ડોટ બોલ ફેંક્યા છે, જે IPLના ઈતિહાસમાં કોઈપણ બોલર દ્વારા સૌથી વધુ છે. 33 વર્ષીય ભુવી આઈપીએલમાં રોયલ ચેલેન્જર્સ બેંગ્લોર, સનરાઈઝર્સ હૈદરાબાદ અને પુણે વોરિયર્સ તરફથી રમી ચૂક્યો છે. (AFP)

વેસ્ટ ઈન્ડિઝના બોલર અને ઓલરાઉન્ડર સુનિલ નારાયણ સાથે પણ એવો જ કેસ છે. તેણે સૌથી ઓછા રન આપવામાં બીજો ક્રમ મેળવ્યો છે. 34 વર્ષીય ખેલાડી ટી-20 લીગમાં કોલકાતા નાઈટ રાઈડર્સ તરફથી રમે છે અને 148 મેચમાં 576 ઓવર નાખી ચૂક્યો છે. નારાયણે અત્યાર સુધી ટી-20 લીગમાં 1391 ડોટ બોલ નાખ્યા છે.  (Instagram)

36 વર્ષીય અશ્વિને આઈપીએલમાં દિલ્હી કેપિટલ્સ, ચેન્નાઈ સુપર કિંગ્સ, રાજસ્થાન રોયલ્સ, રાઈઝિંગ પુણે સુપર જાયન્ટ્સ અને કિંગ્સ ઈલેવન પંજાબ માટે બોલિંગ કરી છે. ટીમ ઈન્ડિયાનો અનુભવી ઓફ સ્પિનર ​​આર અશ્વિન આ યાદીમાં ત્રીજા નંબરે છે. અનુભવી સ્પિનર રવિચંદ્રન અશ્વિન આઈપીએલમાં 6 ટીમો તરફથી રમ્યો છે. તેણે અત્યાર સુધી 184 IPL મેચોમાં 1387 ડોટ બોલ અને કુલ 649 ઓવર નાંખી છે.  (ઇન્સ્ટાગ્રામ)

IPLમાં સૌથી કંજૂસ બોલરોની યાદીમાં ભજ્જી ચોથા નંબર પર છે. એક સમયે ભારતીય ટીમનો મજબૂત હિસ્સો રહેલ અનુભવી ઓફ સ્પિનર ​​હરભજન સિંહે IPLમાં ત્રણ ટીમો માટે બોલિંગ કરી છે. 42 વર્ષીય ભજ્જીએ 163 IPL મેચોમાં 569 ઓવર ફેંકી છે. આ દરમિયાન તેણે 1268 બોલ ફેંક્યા છે જેના પર એકપણ રન નથી બન્યો. (Instagram)

IPLના સૌથી કંજૂસ બોલરની યાદીમાં 5માં નંબર પર શ્રીલંકાના પૂર્વ ફાસ્ટ બોલર લસિથ મલિંગા છે. મલિંગાએ આઈપીએલમાં મુંબઈ ઈન્ડિયન્સ તરફથી બોલિંગ કરી છે. તેણે 122 આઈપીએલ મેચોમાં 471 ઓવર ફેંકી છે જેમાં 1155 ડોટ બોલ નાંખ્યા છે. (Instagram)