IPL 2022 : ક્યાં રમાશે IPLની આગામી સિઝન? BCCIએ લીધો મહત્વનો નિર્ણય

IPL 2022: ઈન્ડિયન પ્રિમિયર લીગ (IPL 2022)ની શરૂઆત 27 માર્ચથી થવા જઇ રહી છે. BCCIએ મેચ માટેના સ્થળોને લઇને અંતિમ નિર્ણય પણ લઇ લીધો છે. વેન્યુ નક્કી કરવા માટે BCCIના અધિકારીઓ, આઈપીએલ ગવર્નિંગ કાઉન્સિલ અને ફ્રેન્ચાઈઝી માલિકો વચ્ચે બેઠક યોજાઈ હતી, જેમાં કોરોનાના વધતા સંક્રમણ અને કોરોનાના પ્રતિબંધોને લઈને મહત્વની ચર્ચા કરવામાં આવી હતી. આઈપીએલ 2022ની આ સીઝનમાં 10 ટીમ હશે, જેમની વચ્ચે 74 જેટલી મેચો રમાશે.

મુંબઈના ત્રણ સ્ટેડિયમ - વાનખેડે (Wankhede), બ્રેબોર્ન (Breborn અને નવી મુંબઈના (DY Patil Stadium Nerul News Mumbai)  ડીવાય પાટિલ સ્ટેડિયમ અને પુણેને (PUNE) પણ સંભવિત સ્થળો તરીકે શોર્ટલિસ્ટ કરવામાં આવ્યા છે. શરૂઆતી ચર્ચા મુજબ, BCCI ટુર્નામેન્ટ મહારાષ્ટ્રમાં યોજવા માંગે છે અને પ્રથમ મેચ મુંબઈમાં યોજાય તેવી શક્યતા છે. પરંતુ તે પછી મુંબઈ સાથેની કનેક્ટિવિટીને જોતાં પૂણે પણ એક વિકલ્પ બને છે.

જોકે મેચમાં ડ્યુની સંભાવનાઓને કારણે બીસીસીઆઈને યુએઈને વિકલ્પ તરીકે ગણવાની ફરજ પડી છે. બીસીસીઆઈએ T20 World Cupના પરિણામોમાં ડયુએ ભજવેલ ભાગને પણ ધ્યાને લીધી છે. UAEમાં 2020 અને 2021માં IPLની બે સીઝનનું સફળતાપૂર્વક આયોજન થઈ શક્યું હતું.

મહારાષ્ટ્રને પસંદ કરવા પાછળનું એક મુખ્ય કારણ એ હતું કે સરકારે 24 જાન્યુઆરીથી ફરીથી શાળાઓ શરૂ કરવાની મંજૂરી આપી છે, જે દર્શાવે છે કે સ્થિતિ કાબૂમાં છે અને આગામી સમયમાં કોરોના કાબૂમાં રહેશે. આ જ બાબતને ધ્યાને રાખીને બીસીસીઆઈ પણ ખુશ છે.

IPL 2022ના સફળ મંચને લઈને મહારાષ્ટ્ર ક્રિકેટ એસોસિએશન સાથે ચર્ચા શરૂ થઈ ગઈ છે અને તેમાં ભૂતપૂર્વ પ્રમુખ શરદ પવાર મુખ્ય ભૂમિકા ભજવી રહ્યા છે. IPL 2022 માટે મેગા હરાજી બેંગ્લોરમાં 12-13 ફેબ્રુઆરીના રોજ યોજાવાની છે.