IPL 2021: શું IPLને મળશે નવો ચેમ્પિયન ? 8 માંથી માત્ર 5 ટીમો જ જીતી શકી છે ટાઈટલ

નવી દિલ્હી: આઈપીએલ 2021(IPL 2021)ની બાકીની 31 મેચ 19 સપ્ટેમ્બરથી UAEમાં યોજાનાર છે. કોરોના કેસ (Corona virus) બાદ 8-ટીમની ટુર્નામેન્ટ 4 મેના રોજ મુલતવી રાખવામાં આવી હતી. વર્તમાન 8 ટીમોની વાત કરીએ તો માત્ર 5 ટીમો જ ટાઇટલ જીતવામાં સફળ રહી છે. ત્રણ ટીમો હજુ પણ પ્રથમ ટાઇટલ માટે રાહ જોઈ રહી છે. (IPL Instagram)

રોહિત શર્મા (Rohit sharma)ની આગેવાનીમાં મુંબઈ ઈન્ડિયન્સે (Mumbai Indians) સૌથી વધુ વખત ટાઈટલ જીત્યું છે. એમએસ ધોનીએ (MS Dhoni) ચેન્નઈ સુપર કિંગ્સ (CSK)ને ત્રણ વખત ચેમ્પિયન બનાવી છે. કેકેઆર એ બે વખત ટાઇટલ જીત્યું છે જ્યારે રાજસ્થાન રોયલ્સ (Rajsthan Royals) અને સનરાઇઝર્સ હૈદરાબાદ એ એક -એક વખત ટાઇટલ જીત્યું છે. (IPL Instagram)

વિરાટ કોહલીના નેતૃત્વવાળી રોયલ ચેલેન્જર્સ બેંગ્લોર (RCB) ની ટીમ અત્યાર સુધી ટાઇટલ જીતી શકી નથી. આ સિવાય દિલ્હી કેપિટલ્સ અને પંજાબ કિંગ્સ પણ અત્યાર સુધી ટાઇટલ જીતી શક્યા નથી. આવી સ્થિતિમાં, આ વખતે મોટાભાગની નજર આ ત્રણ ટીમોના પ્રદર્શન પર રહેશે. (IPL Instagram)

હાલની આઈપીએલ સીઝનના પહેલા તબક્કાની વાત કરીએ તો દિલ્હી કેપિટલ્સની ટીમ ટોચ પર ચાલી રહી છે. ટીમે 8 માંથી 6 મેચ જીતી છે. CSK બીજા અને RCBની ટીમ ત્રીજા સ્થાને છે. એટલે કે, ટોપ -3 ટીમોમાં બે ટીમો એવી છે જે અત્યાર સુધી ટાઇટલ જીતવામાં સફળ રહી નથી. (IPL Instagram)

ડેક્કન ચાર્જસે 2009માં આઈપીએલનો ખિતાબ પણ જીત્યો હતો. પરંતુ તે હવે ટુર્નામેન્ટમાં ભાગ લેતી નથી. ટીમ 2008 થી 2012 સુધી રમી હતી. હવે બીસીસીઆઈ આગામી વર્ષથી 2 નવી ટીમો ઉમેરવા જઈ રહી છે. હવે 8 ને બદલે 10 ટીમ આગામી સીઝનથી રમતી જોવા મળશે. (IPL Instagram)

દરેક ટીમમાં વધુમાં વધુ 25 ખેલાડીઓ હોઈ શકે છે. આવી સ્થિતિમાં 2 નવી ટીમોના ઉમેરા સાથે 50 નવા ખેલાડીઓ ટી 20 લીગમાં જોડાઈ શકે છે. ડિસેમ્બરમાં IPLની મેગા હરાજી પણ થશે. એટલે કે, ખેલાડીઓની નવી હરાજી થશે. જોકે ટીમો 4 ખેલાડીઓને પોતાની સાથે રાખી શકે છે. (IPL Instagram)