નવી દિલ્હી : ફક્ત 18 વર્ષની ઉંમરમાં ટેસ્ટ ડેબ્યૂ કરીને શાનદાર સદી ફટકારનાર પૃથ્વી શોને (Prithvi Shaw)દેશનું ભવિષ્ય માનવામાં આવે છે. પૃથ્વી ને ટીમ ઇન્ડિયાનો આગામી સુપરસ્ટાર માનવામાં આવે છે. તેની સરખામણી સચિન અને બ્રાયન લારા જેવા દિગ્ગજો સાથે કરવામાં આવે છે. જોકે છેલ્લા ઘણા સમયથી તે ઇજાને કારણે ઓછું ક્રિકેટ રમ્યો છે. હાલ પૃથ્વી શો આઈપીએલ 2020 માટે યૂએઈમાં છે અને દિલ્હી કેપિટલ્સ સાથે શારજાહમાં ટ્રેનિંગ કરી રહ્યો છે. આ દરમિયાન પૃથ્વી શો ના અંગત જીવનમાં એક મોટો સમાચાર આવ્યા છે. અંદાજ લગાવવામાં આવી રહ્યો છે કે પૃથ્વી શો એક અભિનેત્રીને ડેટ કરી રહ્યો છે.
પૃથ્વી શો ના સોશિયલ મીડિયા પર કેટલાક એવા કોમેન્ટ્સ જોવા મળ્યા છે જેને જોઈને અંદાજ લગાવવો સહેજ પણ મુશ્કેલ છે નથી કે અભિનેત્રી અને પૃથ્વી શો વચ્ચે નક્કી કઈ ચાલી રહ્યું છે. આ અભિનેત્રીનું નામ પ્રાચી સિંહ (Prachi Singh)છે જે મુંબઈની રહેવાસી છે.
એવો અંદાજ લગાવવામાં આવી રહ્યો છે કે અભિનેત્રી -ડાન્સર પ્રાચી સિંહ અને પૃથ્વી શો વચ્ચે વધારે જ ખાસ દોસ્તી છે. તેની સાબિતી છે પૃથ્વી શો નું ઇંસ્ટાગ્રામ એકાઉન્ટ. પૃથ્વીની દરેક પોસ્ટ પર પ્રાચી કોમેન્ટ કરી છે અને આ યુવા ક્રિકેટર પણ તેને જવાબ આપે છે.
પ્રાચી સિંહની કોમેન્ટ અને પૃથ્વી શો ના જવાબ જોઈને સ્પષ્ટ થાય છે કે આ દોસ્તી વધારે ખાસ છે. જોકે હાલ એ કહેવું વહેલું ગણાશે કે બન્ને વચ્ચે પ્રેમ જેવી કોઈ વાત છે.
