IPL 2020: આ બોલર સામે ધોની IPLમાં નથી ફટકારી શક્યો એકપણ ફોર

ચેન્નઈ સુપરકિંગ્સનો કેપ્ટન મહેન્દ્રસિંહ ધોની (MS Dhoni)2008થી સતત આઈપીએલમાં (IPL 2020 )રમી રહ્યો છે. દરેક બોલર સામે તેણે આક્રમક બેટિંગ કરી છે. પોતાની બેટિંગના દમ પર તેણે ઘણી મેચોમાં જીત અપાવી છે. ભલે તે આજે 39 વર્ષની ઉંમરમાં પોતાની ટીમ માટે સૌથી મોટો મેચ વિનર ના રહ્યો હોય પણ આઈપીએલમાં ઘણા વર્ષો સુધી તેનો જલવો રહ્યો હતો. જોકે આઈપીએલમાં સૌથી વધારે મેચ રમનાર ધોની એક બોલર સામે અત્યાર સુધી એકપણ ફોર ફટકારી શક્યો નથી. (તસવીર- IPL/BCC)

આ વાત વાંચીને તમને વિશ્વાસ ના થાય પણ આ હકીકત છે. ધોની કોલકાતા નાઇટ રાઇડર્સના સ્પિનર સુનીલ નરૈન સામે આઈપીએલમાં અત્યાર સુધી એકપણ ફોર ફટકારી શક્યો નથી. (તસવીર- IPL/BCC)

આંકડા પર નજર કરવામાં આવે તો ધોની અને નરૈન વચ્ચે અત્યાર સુધી 12 ઇનિંગ્સમાં ટક્કર થઈ છે પણ ધોની અત્યાર સુધી એકપણ ફોર ફટકારી શક્યો નથી. (તસવીર- IPL/BCC)

નરૈને અત્યાર સુધી ધોનીને 59 બોલ ફેંક્યા છે. જેમાં ધોનીએ ફક્ત 29 રન બનાવ્યા છે. નરૈન એક વખત ધોનીને આઉટ કરવામાં સફળ રહ્યો છે. (તસવીર- KKR)

જોકે આ વખતે નરૈન બેટિંગથી લઈને બોલિંગ બંને મોરચે ફેઇલ રહ્યો છે. તે આ વખતે 4 મેચમાં 2 વિકેટ જ ઝડપી શક્યો છે. જ્યારે ઓપનર તરીકે 4 ઇનિંગ્સમાં ફક્ત 27 રન બનાવ્યા છે.(તસવીર- KKR)

ધોની આજની મેચમાં 300 સિક્સર ફટકારી શકે છે. ધોનીના નામે ટી-20માં અત્યાર સુધી 299 સિક્સરો છે. આ વર્ષે ધોનીએ 5 મેચમાં 91 રન બનાવ્યા છે. (તસવીર- IPL/BCC)