IPL 2020: નીતિશ રાણા સાથે પાર્ટી કરતી જોવા મળી રસેલની પત્ની જેસિમ, હુક્કો પી ને ઉડાડ્યો ધુમાડો

નવી દિલ્હી : ઇન્ડિયન પ્રીમિયર લીગ 2020માં (IPL 2020) કોલકાતા નાઇટ રાઇડર્સનું (Kolkata Knight Riders)પ્રદર્શન મિક્સ રહ્યું છે. ટીમ અંતિમ સમયમાં પ્લેઓફમાં સ્થાન બનાવવાથી ચૂકી ગઈ હતી. કેકેઆરે 14 મેચમાંથી 7 મેચમાં જીત મેળવી હતી પણ ખરાબ નેટ રનરેટના કારણે તે પ્લેઓફમાં સ્થાન બનાવી શકી ન હતી. આ ટીમની આઇપીએલ સફર ખતમ થઈ ગઈ છે. જોકે ટીમના ખેલાડીઓ હજુ પણ દુબઈમાં છે અને બાયો બબલમાંથી બહાર નીકળીને સુંદર શહેરમાં મસ્તી કરી રહ્યા છે.

કેકેઆરના ઓલરાઉન્ડર આન્દ્ર રસેલની પત્ની જેસિમ લૌરા (Jassym Lora)પણ હાલના સમયે દુબઈમાં છે અને તેણે હાલમાં જ પોતાનો એક વીડિયો સોશિયલ મીડિયા પર પોસ્ટ કર્યો છે. વીડિયોમાં જેસિમ એક નાઇટ ક્લબમાં બેઠી છે. જેસિમ આ વીડિયોમાં હુક્કો પીતો જોવા મળી રહી છે.

કેકેઆરના ખેલાડીઓ પણ જેસિમ સાથે છે. ટીમનો મિડલ ઓર્ડર બેટ્સમેન નીતિશ રાણા (Nitish Rana)જેસિમ સાથે જોવા મળ્યો હતો.

જેસિમના પતિ આન્દ્રે રસેલનું આઈપીએલ-2020માં પ્રદર્શન ખરાબ રહ્યું છે. રસેલ 13 ઇનિંગ્સમાં ફક્ત 13ની એવરેજથી 117 રન જ બનાવી શક્યો છે અને બોલિંગમાં ફક્ત 6 વિકેટ જ ઝડપી છે. ઇજાના કારણે રસેલ સિઝનની બધી 14 મેચ રમ્યો ન હતો.