IPL 2019: ક્રિસ ગેલના આ રેકોર્ડ સામે તમામ ફેલ, 5 વર્ષથી અતૂટ છે આ કરિશ્મો

23 માર્ચથી આઈપીએલ 12ની શરૂઆત થઈ રહી છે. એવામાં આ સમય છે તમામ ટીમો અને ક્રિકેટર્સના રેકોર્ડ તપાસવાનો. એવો જ એક રેકોર્ડ ક્રિસ ગેલના નામે છે, જે લીગમાં હજુ સુધી તૂટ્યો નથી. શું આ વખતે આ રેકોર્ડ તૂટશે?

કેરેબિયન દિગ્ગજ ક્રિસ ગેલે આઈપીએલના સિક્સર કિંગ (292) માનવામાં આવે છે અને એ જ કારણે તેની આગળ બધા ફેલ છે. તેણે 23 એપ્રિલ 2013ના રોજ પુણે વોરિયર્સની વિરુદ્ધ મેચમાં 175 રનની નોટઆઇટ ઇનિંગમાં 17 સિક્સર ફટકારી હતી, જે એક એક ઇનિંગમાં સૌથી વધુ સિક્સર્સનો રેકોર્ડ છે. પાંચ સીઝન બાદ પણ કોઈ બેટ્સમેન આ રેકોર્ડને તોડવાની વાતને દૂર પાસે પણ નથી પહોંચી શક્યો.

આઈપીએલમાં એક ઇનિંગમાં સૌથી વધુ સિક્સર ફટકારવાની યાદીમાં બીજા નંબરે બ્રેન્ડન મેક્કલમ છે. તેણે કોલકાતા નાઇટરાઇડર્સ માટે 18 એપ્રિલ 2008ના રોજ રોયલ ચેલેન્જર્સ બેંગલોરની વિરુદ્ધ 158 રનની ઇનિંગમાં 13 સિક્સર મારી હતી.

આ યાદીમાં ત્રીજા નંબરે ફરી એકવાર ક્રિસ ગેલ છે. આ પ્લેયરે આરસીબી માટે ડેક્કન ચાર્જર્સ વિરુદ્ધ દિલ્હીમાં 17 મે 2012ના રોજ પોતાની 128 રનની ઇનિંગમાં 13 સિક્સર મારી હતી.

આઈપીએલમાં એક ઇનિંગમાં સૌથી વધુ સિક્સર મારાનારાઓની યાદીમાં રોયલ ચેલેન્જર્સ બેંગલોરનો એબી ડીવિલિયર્સ પણ છે. તેણે 14 મે 2016ના રોજ ગુજરાત લાયન્સ વિરુદ્ધ 129 રનની ઇનિંગમાં 12 સિક્સર ફટકારી હતી.

આ યાદીમાં પાંચમું નામ વેસ્ટઈન્ડિઝના વિસ્ફોટક બેટ્સમેન ક્રિસ ગેલ જ છે. તેણે 6 મે 2015ના રોજ કિંગ્સ ઇલેવન પંજાબ વિરુદ્ધ 117 રનની ઇનિંગ રમી હતી અને આ દરમિયાન 12 સિક્સર ફટકારી હતી.