રોહિત શર્મા ફક્ત એક રન બનાવીને પેવેલિયન પરત ફર્યો હતો. જેના બાદમાં રમતમાં આવેલા વિરાટ કોહલીને આશા હતી કે તે રોહિતની ખોટ પૂરી શકશે. પરંતુ તે પણ એક રન બનાવીને આઉટ થઈ ગયો હતો. કોહલી જાણતો હતો કે તેના આઉટ થવાથી ટીમ ઇન્ડિયાને ખૂબ મોટું નુકસાન ગયું છે, આથી જ તેણે પોતાનો ગુસ્સો પોતાના બેટ પર આવી રીતે કાઢ્યો હતો.
આ વિશ્વ કપમાં રોહિતના બેટમાંથી સતત રન નીકળતા રહ્યા હતા. રોહિતે વર્લ્ડ કપમાં પાંચ સદી કરી હતી, પરંતુ નોકઆઉટ રાઉન્ડમાં તેણે ફક્ત એક જ રન બનાવ્યો હતો. આ વાતનું દુઃખ તેના ચહેરા પર જોઈ શકાતું હતું.
હાર્દિક પંડ્યાએ પણ મુશ્કેલીમાં આવેલી ટીમ ઇન્ડિયાને બહાર કાઢવાનો પ્રયાસ કર્યો હતો. પરંતુ સેમિ ફાઇનલમાં તેનું હિટરનું રૂપ જોવા મળ્યું ન હતું. હાર્દિકે 62 બોલમાં 32 રન બનાવ્યા હતા. આ વાતનો પસ્તાવો તેના ચહેરા પર સ્પષ્ટ જોઈ શકાતો હતો.
જ્યારે ટીમ પર સંકટના વાદળ છવાયા હતા ત્યારે રવીન્દ્ર જાડેજા અને એમએસ ધોનીએ મળીને ટીમને સંકટમાંથી બહાર કાઢવાનો પ્રયાસ કર્યો હતો. એક સમયે લોકોમાં જીતની આશા પણ જીવંત બની હતી. જાડેજાએ ધોની સાથે મળીને 116 રનની ભાગીદારી કરી હતી. જ્યારે જાડેજાએ 77 રનનો દાવ પૂરો કર્યો ત્યારે તે ડ્રેસિંગ રૂમની બાલ્કનીમાંથી ટીમ ઇન્ડિયાની હાલત જોઈને ઉદાસ થઈ ગયો હતો.
જાડેજા આઉટ થતા જ ટીમને જીતાડવાની જવાબદારી એમએસ ધોની પર આવી હતી. જોકે, અડધી સદી બનાવીને ધોની રન આઉટ થઈ ગયો હતો. ધોની બહુ સારી રીતે જાણતો હતો કે તેના આઉટ થવાથી ટીમને કેટલું નુકસાન થશે.
હાર્દિક પંડ્યાએ પણ મુશ્કેલીમાં આવેલી ટીમ ઇન્ડિયાને બહાર કાઢવાનો પ્રયાસ કર્યો હતો. પરંતુ સેમિ ફાઇનલમાં તેનું હિટરનું રૂપ જોવા મળ્યું ન હતું. હાર્દિકે 62 બોલમાં 32 રન બનાવ્યા હતા. આ વાતનો પસ્તાવો તેના ચહેરા પર સ્પષ્ટ જોઈ શકાતો હતો.
