PHOTOS: અમદાવાદમાં ભારતીય ટીમે ઉજવી હોળી, કલરમાં એવા રંગાયા કે મોઢા નથી ઓળખાતા

અમદાવાદ: ભારત સહિત સમગ્ર વિશ્વમાં હોળીનો તહેવાર ઉજવવામાં આવી રહ્યો છે. આવતીકાલે ગુજરાતમાં ધૂળેટીની પણ શાનદાર ઉજવણી થશે. ભારતીય ક્રિકેટ ટીમ અમદાવાદની મુલાકાતે છે.  ટીમ ઈન્ડિયા પણ હોળીની ઉજવણીથી દૂર કેવી રીતેરહેવાની હતી? અમદાવાદ ટેસ્ટની તૈયારીમાં વ્યસ્ત ભારતીય ક્રિકેટ ટીમે પણ જોશ સાથે હોળી રમી છે. હવે તેની તસવીરો પણ સામે આવી રહી છે. જુઓ કેટલાક ફોટોઝ.  (BCCI)

BCCI વતી ટીમ ઈન્ડિયાના સભ્યો દ્વારા હોળી રમવાની કેટલીક તસવીરો શેર કરવામાં આવી છે. આ તસવીરોમાં ખેલાડીઓ મસ્તી કરતા જોવા મળે છે. કેટલાક એવા ખેલાડીઓ છે જેઓ રંગમાં એટલા ભીના થઈ ગયા છે કે તેમના ચહેરા પણ ઓળખી શકાય તેમ નથી. ભારતીય ક્રિકેટ ફેન્સ પણ આ ફોટોઝ જોઈને ખુશ થઈ ગયા છે.  (BCCI)

આખી ટીમ સાવ અલગ જ લાગી રહી છે અને એમાં પણ સૂર્યકુમાર યાદવ તો અલગ જ લાગી રહ્યો છે.કેપ્ટન રોહિત શર્મા તો હોળીના રંગમાં રંગાયા પછી ઓળખવો મુશ્કેલ છે. સૂર્યકુમાર યાદવ પણ ગુલાલ અને રંગોમાં ખૂબ જ ક્યૂટ લાગી રહ્યા છે. કુલદીપ યાદવ, અક્ષર પટેલ, ઈશાન કિશન અને મોહમ્મદ સિરાજ પણ હોળીના રંગોમાં રંગાયેલા જોવા મળી રહ્યા છે. (BCCI)

ભારત અને ઓસ્ટ્રેલિયા વચ્ચેની શ્રેણીની ચોથી અને છેલ્લી મેચ અમદાવાદમાં જ રમાવાની છે. આ મેચ 9 માર્ચે રમાશે. 8 માર્ચે હોળીની ઉજવણી કરવામાં આવશે. બીજા જ દિવસે રોહિત શર્માની કપ્તાની હેઠળની ટીમ ઈન્ડિયા સ્ટીવ સ્મિથની કેપ્ટન્સીવાળી ઓસ્ટ્રેલિયન ટીમ સામે જીતવાના ઇરાદે મેદાનમાં ઉતરશે. (BCCI)

ઘણી રીતે મહત્વની હોવાથી ભારત માટે આ મેચ કરો યા મરો જેવી બની ગઈ છે. જો રોહિત શર્માની ટીમ ઈન્ડિયા આ મેચ હારી જાય તો વર્લ્ડ ટેસ્ટ ચેમ્પિયનશિપની ફાઈનલમાં પહોંચવાની તેમની યોજના પર પાણી ફરી શકે છે. અને જો ભારત આ મેચ હારી જાય તો દક્ષિણ આફ્રિકા અને શ્રીલંકાના પ્રદર્શનના આધારે આગળનો રસ્તો નક્કી થશે. (PTI)

ભારત માટે સૌથી મોટી ચિંતા બેટ્સમેનોનું ફોર્મ છે. વિરાટ કોહલી ઈન્દોરમાં અને બીજી ટેસ્ટ મેચોમાં પણ એકંદરે ફ્લોપ રહ્યો હતો. શ્રેયસ અય્યરના બેટમાંથી પણ રન નીકળ્યા ન હતા. દિલ્હી અને નાગપુર ટેસ્ટનો હીરો રવીન્દ્ર જાડેજા પણ બેટ અને બોલથી વધુ અસર છોડી શક્યો ન હતો. આ જ કારણ છે કે ઓસ્ટ્રેલિયન ટીમ ઈન્દોરમાં જીતી ગઈ હતી. (BCCI)

રોહિત શર્મા એન્ડ કંપની અમદાવાદ ટેસ્ટમાં ઓસ્ટ્રેલિયાને શ્રેણીમાં હરાવીને તેમને પરત મોકલવનો પ્રયાસ કરશે. ઓસ્ટ્રેલિયાની ટીમ પાસે હજુ પણ શ્રેણી ડ્રો કરવાની તક છે. નાગપુરમાં જીત મેળવનાર કેપ્ટન સ્ટીવ સ્મિથ પણ અમદાવાદમાં ઓસ્ટ્રેલિયાની કમાન સંભાળશે. (BCCI)