દુબઇ કા ચશ્મા, ચીન કી ચડ્ડી ઔર ઈરાની ચાય....અસ્લમ નહિ, વિરાટભાઈ!

ન્યૂઝ18 ગુજરાતી: 'ભારતમાં રહીને બીજા દેશોના ક્રિકેટરને પ્રેમ કરનારા લોકોને દેશનિકાલ આપી દેવો જોઈએ' તેવા કેપ્ટન વિરાટ કોહલીના વિવાદાસ્પદ નિવેદને સોશ્યિલ મીડિયા ઉપર થોડા સમય પહેલા ભારે વિવાદ જગાવ્યો હતો. વિરાટનું આ નિવેદન એટલા માટે અચંબો પમાડે છે કારણ વિરાટ ખુદ વિદેશી ખેલાડી જ નહિ, લગભગ તમામ વિદેશી વસ્તુઓને પસંદ કરે છે. એટલે સુધી કે વિરાટના માથાં થી પગ સુધીની તમામ ચીજવસ્તુઓ વિદેશી છે ! (પત્નીને બાદ કરી દઈએ !!!)

વિરાટના આ વિદેશી ચીજવસ્તુઓના શોખને જોઈને પેલું ગીત યાદ આવી ગયું : 'દુબઇ કા ચશ્મા, ચીન કી ચડ્ડી ઔર ઈરાની ચાય, અસ્લમ ભાઈ...અહીં આપણે વિરાટભાઈ એવું મૂકી શકીયે!' વિરાટ ફૂટબોલ અને ટેનિસને રમત તરીકે પસંદ કરે છે, આ બંને રમતોમાં તેના ફેવરિટ ખેલાડી ક્રિસ્ટિયાના રોનાલ્ડો અને નેવાક જોકોવિચ છે. વિરાટને મોંઘી ગાડીઓનો શોખ છે. તેની પાસે બધી વિદેશી કંપનીની ગાડીઓ છે : ઓડી R8, A8, Q7 વગેરે, વગેરે

ભાઈ'સાબ જર્મન કંપની પુમાના જૂતા પહેરે છે, તે પૂમાનો બ્રાન્ડ એમ્બેસેડર છે. હાઈટ તો ત્યાં છે કે વિરાટ પાણી પણ વિદેશથી લાવેલું પીવે છે. તે ખાસ ફ્રાન્સથી પીવાનું પાણી મંગાવે છે અને 'એવીઅન' કંપનીનું પાણી પીવે છે, જેની લીટરની એક બોટલની કિંમત રૂ.600 છે !

Paneraiકંપનીની ઘડિયાળ પહેરે છે, જે ઇટાલીની છે. આ કંપનીની ઘડિયાળોની કિંમત લાખોમાં હોય છે. આ ઉપરાંત તે ટિસો કંપનીનો બ્રાન્ડ એમ્બેસેડર છે, જે સ્વિટ્ઝર્લેન્ડની છે. યુરોપમાં રજાઓ ગાળે છે અને લગ્ન પણ અનુષ્કા સાથે ઇટાલીમાં કર્યું હતું