IND VS ENG: પૂજારા સતત 10મી ટેસ્ટ ઇનિંગ્સમાં ફ્લોપ, કોહલીએ શોધવો પડશે વિકલ્પ!

નવી દિલ્હી : ટીમ ઇન્ડિયાની દિવાલ ગણાતા ચેતેશ્વર પૂજારાનું (Cheteshwar Pujara) ખરાબ ફોર્મ સતત યથાવત્ છે. લોર્ડ્સ ટેસ્ટની (India vs England, 2nd Test)પ્રથમ ઇનિંગ્સમાં પૂજારા ફક્ત 9 રન બનાવી આઉટ થયો છે. પૂજારા જેમ્સ એન્ડરસનનો શિકાર બન્યો હતો. તે સ્લિપમાં બેયરસ્ટોના હાથે કેચ આઉટ થયો હતો. (PIC:AP)

પૂજારાનું કંગાળ ફોર્મ તેની કારકિર્દી માટે ખતરનાક સાબિત થઇ શકે છે. તમને જણાવી દઈએ કે પૂજારા છેલ્લી 10 ટેસ્ટ ઇનિંગ્સમાં અડધી સદી ફટકારી શક્યો નથી. આ દરમિયાન તેણે ફક્ત 108 રન બનાવ્યા છે. (PIC:AFP)

પૂજારાની છેલ્લી 10 ટેસ્ટ ઇનિંગ્સની વાત કરવામાં આવે તો તેણે 9, 12*, 4, 15, 8, 17, 0, 7, 21, 15 રન બનાવ્યા છે. પૂજારાએ અડધી સદી તો છોડો 30ના સ્કોર સુધી પણ પહોંચી શક્યો નથી. (AFP)

એવું નથી કે પૂજારા છેલ્લી 10 ઇનિંગ્સથી ફ્લોપ છે. પૂજારાનું બેટ છેલ્લા બે વર્ષથી ખામોશ છે. 2019થી પૂજારાએ વિદેશની ધરતી પર ફક્ત 25.33ની એવરેજથી 456 રન બનાવ્યા છે. આ દરમિયાન પૂજારાએ 4 અડધી સદી ફટકારી છે. (Pujara Instagram)

છેલ્લા બે વર્ષોમાં પૂજારા 20 ટેસ્ટ મેચ રમ્યો છે. જેમાં 27.06ની એવરેજથી 866 રન બનાવ્યા છે. વર્લ્ડ ટેસ્ટ ચેમ્પિયનશિપમાં પણ તેની એવરેજ 30થી ઓછી હતી. પૂજારાને ટીમ ઇન્ડિયાના મેનજમેન્ટ અને કેપ્ટન વિરાટ કોહલીનો સાથ છે. જોકે તે જે રીતે પોતાની વિકેટ ગુમાવી રહ્યો છે. તેનાથી લાગી રહ્યું છે કે તેને બહાર કરવામાં આવી શકે છે. (AFP)