બ્રિસબેન : ભારત અને ઓસ્ટ્રેલિયા વચ્ચે ગાબામાં રમાયેલી બોર્ડર ગાવસ્કર ટ્રોફીની ચોથી અને અંતિમ ટેસ્ટ મેચની બીજી ઇનિંગ્સમાં શુભમન ગિલે 91 રનની શાનદાર ઇનિંગ્સ રમી હતી. પોતાની આ ઇનિંગ્સ સાથે જ ગિલે પૂર્વ ભારતીય ઓપનર સુનીલ ગાવસ્કરનો 50 વર્ષ જૂનો રેકોર્ડ તોડી નાખ્યો છે. શુભમન ટેસ્ટ મેચની ચોથી ઇનિંગ્સમાં અડધી સદી ફટકારનાર સૌથી યુવા ભારતીય ઓપનર બની ગયો છે. (PIC: AP)
શુભમન ગિલની ઉંમર હાલ 21 વર્ષ અને 133 દિવસ છે. ગાવસ્કરે 21 વર્ષ 243 દિવસની ઉંમરમાં આ સિદ્ધી મેળવી હતી. ગાવસ્કરે 1970માં વેસ્ટ ઇન્ડીઝ સામે પોર્ટ ઓફ સ્પેનમાં રમાયેલી ટેસ્ટમાં અડધી સદી ફટકારી આ રેકોર્ડ બનાવ્યો હતો. (PIC: AP)
શુભમન ગાબામાં નર્વસ નાઇન્ટીનો શિકાર થયો હતો. તે 146 બોલમાં 91 રનની ઇનિંગ્સ રમીને આઉટ થયો હતો. ટેસ્ટ ક્રિકેટમાં આ તેની બીજી અડધી સદી છે અને બેસ્ટ સ્કોર પણ છે. ગિલ પ્રથમ ટેસ્ટ સદી ચૂકી ગયો પણ તેની આકર્ષક અડધી સદીએ ભારતની ટેસ્ટ શ્રેણી જીતમાં મોટું યોગદાન આપ્યું છે. (PIC: AP)
રોહિત શર્મા જલ્દી આઉટ થયા પછી શુભમન અને પૂજારાએ બીજી વિકેટ માટે 114 રનની ભાગીદારી કરી હતી. જેમાં પૂજારાના ફક્ત 26 રન હતા. ગિલ શાનદાર લયમાં જોવા મળ્યો હતો. (PIC: AP)
