India v Sri Lanka 2nd Test, Day 2 LIVE SCORE: શ્રીલંકા સામે ટેસ્ટમાં રિષભ પંતની T-20 જેવી બેટિંગ, કપિલ દેવનો રેકોર્ડ તોડ્યો

India v Sri Lanka 2nd Test: ભારત અને શ્રીલંકા (ind vs sl) વચ્ચે બેંગ્લુરૂના ચિન્નાસ્વામી સ્ટેડિયમમાં ગઈકાલથી બીજી ટેસ્ટની શરૂઆત થઈ છે. બેંગ્લુરૂમાં રમાઈ રહેલી પિંક બોલ ટેસ્ટમાં (Pink ball test) ભારતની પ્રથમ ઇનિંગ ફ્કત 252 રનમાં સંકેલાઈ ગઈ હતી. શ્રેયસ ઐયરના નિર્ણાયક 92 રનની ઈનિંગના કારણે ભારત સન્માનત જનક સ્થિતિમાં પહોંચી શક્યું હતું. જોકે, ભારતની ધારદાર બોલિંગના કારણે શ્રીલંકાનો (Srilanka) વરઘોડો નીકળ્યો હતો અને શ્રીલંકાની ઈનિંગ ફક્ત 109 રનમાં સંકેલાઈ ગઈ હતી. શ્રીલંકા વતી કોઈ પણ ખેલાડી સારૂ પ્રદર્શન કરી શક્યું નહોતું. ભારતની બીજી ઈનિંગમાં રિષભ પંત (Rishabh Pant) ચમક્યો હતો. પંતે ટી-20 સ્ટાઇલમાં ફિફ્ટી મારી અને કિપલ દેવનો (Kapil dev) રેકોર્ડ તોડી નાખ્યો છે.

શ્રીલંકા સામે બેટિંગ કરતા ભારતે પ્રથમ ઈનિંગમાં 252 રન કર્યા જેના જવાબમાં બોલર જસપ્રીત બુમરાહ (Jaspreet Bumrah)નો પંજો પડતા લંકા ઢેર થઈ ગયું હતું. બુમરાહની પાંચ વિકેટના લીધે શ્રીલંકાની ઈનિંગ સસ્તામાં સંકેલાઈ જતા ભારતને 143 રનની લીડ મળી હતી. બુમરાહે ઘર આંગણે ટેસ્ટમાં પહેલીવાર 5 વિકેટ લીધી હતી.

<br />ભારત વતી બીજી ઈનિંગમાં રોહત શર્મા અને મયંક અગ્રવાલ મેદાનમાં ઉતર્યા હતા. રોહિત અને મયંકની જોડીએ પહેલી વિકેટની ભાગીદારી માટે 42 રનનો સ્કોર બનાવ્યો હતો. રોહિતનો સાથી મયંક 22 રને સ્પિનિર અમ્બુલડેનિયાનો શિકાર બન્યો હતો. જોકે, ત્યારબાદ રોહિત શર્મા પણ 46 રનના વ્યક્તિગત સ્કોરે આઉટ થતા ભારતે 98 રનમાં બે વિકેટ ગુમાવી હતી.

<br />હનુમાન વિહારી સસ્તામાં આઉટ થઈ જતા ભારતનો સ્કોર 116 રને 3 વિકેટ હતો. વિહારીએ 79 બોલમાં 35 રનની ઈનિંગ બનાવી હતી. વિહારી આઉટ થયો ત્યારે ભારતને 259 રનની લીડ મળી ગઈ હતી. ત્યારબાદ કોહલી અને પંત મેદાને આવ્યા હતા.

<br />જોકે, પૂર્વ કેપ્ટન વિરાટ કોહલી ખાસ કમાલ કરી શક્યો નહીં અને તે 13 રન બનાવી આઉટ થઈ ગયો હતો. આમ ભારતે 139 રનના સ્કોર પર ચોથી વિકેટ ગુમાવી દીધી હતી. કોહલીને પ્રવીણ જયવિક્રમાએ 36મી ઓવરમાં એલબીડબલ્યૂ આઉટ કર્યો હતો. વિરાટે પહેલી ઈનિંગમાં પણ 23 રન જ કર્યા હતા.

જોકે, ત્યારબાદ રિષભ પંતે ટી-20 સ્ટાઈલમાં ફિફ્ટી મારી હતી. પંતે 28 બોલમાં ફિફ્ટી મારી અને કપિલ દેવનો રેકોર્ડ તોડ્યો હતો. કપિલ દેવે અગાઉ 30 બોલમાં 50 રન બનાવ્યા હતા. જોકે, ફિફ્ટી બાદ પંત આઉટ થઈ ગયો હતો. પંત 31 બોલમાં 50 રન કરી આઉટ થઈ ગયો હતો. ભારતને બીજી ઈનિંગમાં 325 રન પ્લસની લીડ મળી ગઈ છે.