મંડી : કોરોના કાળના કારણે લાખો રૂપિયા કમાણી કરનાર પહેલવાને પોતાનું અને પોતાના પરિવારનું પેટ પાળવા માટે કુલીનું કામ કરવું પડી રહ્યું છે. કુલીનું આ કામ પમ પહેલવાનને ગણી મુશ્કેલીબાદ મળ્યું. કાંગડા જિલ્લાના આ નામી પહેલવાન છેલ્લા બે મહિનાથી માર્કેટયાર્ડમાં કુલીનું કામ કરી બે વખતની રોટી કમાઈ રહ્યો છે.
કોરોના વાયરસથી બચવા માટે સરકારે પુરા દેશમાં લોકડાઉન આપવું પડ્યું હતું. જોકે, હવે અનલોકની પ્રક્રિયા પૂરા દેશમાં ચાલી રહી છે પરંતુ ગણા એવા કાર્યક્રમ છે જેના આયોજન પર સરકારે પૂરી રીતે પ્રતિબંધ લગાવી રાખ્યો છે. આમાં એક કુશ્તી પ્રતિયોગિતા પણ છે. હિમાચલ પ્રદેશના અનેક પહેલવાન એવા છે જેમની રોજી-રોટી કુશ્તી પ્રતિયોગિતા પર ટકેલી છે. આમાંથી જ એક છે કાંગડા જિલ્લાના નુરપુરના રહેવાસી 29 વર્ષિય ગોલુ પહેલવાન ઉર્ફે દેશરાજ.
90 કિલો ભાર અને 5 ફૂટ 9 ઈંચ હાઈટવાળા ગોલુ પહેલવાને પાંચ વર્ષ પહેલા પહેલવાની શરૂ કરી છે. ઉત્તર ભારતની કોઈ પણ મોટી પ્રતિયોગિતા એવી નથી જેમાં ગોલુ પહેલવાને પોતાનો દમ ન દેખાડ્યો હોય પરંતુ, કોરોનાના કારણે જ્યારે દેશમાં લોક ડાઉન થયું ત્યારથી ગોલુ પહેલવાનની પહેલવાની પણ લોક થઈ ગઈ છે.
જે કઈ પણ જમા પૂંજી હતી, તે લોકડાઉનના સમયમાં પોતાના પરિવારનું ભરણપોષણ કરવા માટે વાપરી, જે હવે ખતમ થઈ ગઈ જેને કારણે મજબૂરીમાં એક પહેલવાને કુલીનું કામ શરૂ કરવું પડ્યું છે.
ગોલુ પહેલવાને જણાવ્યું કે, ગણી નોકરી શોધ્યા બાદ પણ તેને પોતાના વ્યવસાયમાં કામ ન મળ્યું તો તે કુલીનું કામ કરવા માટે માર્કેટયાર્ડમાં આવી ગયો. ગોલૂ પહેલવાન માર્કેટયાર્ડમાં એક સરકારી ગોડાઉનમાં કુલીનું કામ કરી રહ્યો છે. જ્યાં તેને એક ક્વિન્ટલ ભાર ઉઠાવવાના બદલામાં 5 રૂપિયા મળે છે. આ પ્રકારે મુશ્કેલથી તે મહિનામાં 8થી 10 હજાર કમાણી કરી પોતાના પરિવારનું ભરણ ભોષણ કરી રહ્યો છે.
ગોલૂ પહેલવાને જણાવ્યું કે, પહેલવાનીથી તે દર વર્ષે બેથી અઢી લાખ રૂપિયા કમાણી કરી લે છે. પરંતુ, હવે 8થી 10 હજાર કમાણી કરી ગુજરાન ચલાવવું પડી રહ્યું છે.
ગોલૂ પહેલવાને રાજ્ય સરકારને વિનંતી કરી છે કે, કુશ્તી પ્રતિયોગિતાઓ પર પ્રતિબંધને સરકાર તુરંત પ્રભાવથી હટાવે, જેથી પ્રદેશના પહેલવાન પોતાનું દમ દેખાડી રોજી-રોટી કમાઈ શકે. તેમણે સરકારને ભલામણ કરી છે કે, પ્રદેશમાં માત્ર સ્થાનિક પહેલવાનો વચ્ચે જ દંગલ કરાવવામાં આવે અને બહારના પહેલવાનોને હાલમાં કોરોનાના કારણે ના બોલાવવામાં આવે.
