આ 5 ક્રિકેટર પર લાગી ચુક્યા છે યૌન શોષણના આરોપ, એક ભારતીય ખેલાડી પણ સામેલ

છેલ્લા કેટલાક દિવસથી #MeToo અભિયાન ચર્ચામાં છે. પહેલા બોલિવુડ આ આગમાં સળગ્યું હવે આમાંથી ક્રિકેટ જગત પણ નથી બચી શક્યું. હવે પ્રખ્યાત ક્રિકેટરોના નામ પણ યૌન શૌષણ આરોપોમાં આવી રહ્યા છે.

લસિથ મલિંગા શ્રીલંકાના પ્લેયર લસિથ મલિંગા પર બોલીવુડની પ્રખ્યાત સિંગર ચિન્મયી શ્રીપદાએ રેપની કોશિસ કરવાનો આરોપ લગાવ્યો છે. ટ્વીટ અનુસાર આ ઘટના કોઈ આઈપીએલ સિઝનમાં મુંબઈની છે.

લ્યૂક પોમર્સબૈક- ઓસ્ટ્રેલિયાના ડાભા હાથના સ્ટાઈલિશ બેટ્સમેન લ્યૂક પોમર્સબૈકની 2012માં ભારતીય પોલીસકર્મીઓએ અટકાયત કરી હતી. તેની મંગેતરે તે સમયે તેના પર યૌન શોષમનો આરોપ લગાવ્યો હતો. બાદમાં મંગેતરે આરોપો પાછા લેતા મામલો થાળે પડ્યો હતો.

રૂબેલ હુસૈન - બાંગ્લાદેશના ક્રિકેટ ટીમના ફાસ્ટ બોલર રુબેલ હુસૈન પર 2015માં બાંગ્લાદેશની અભિનેત્રી નાજનીન અખ્તરે બળાત્કારનો આરોપ લગાવ્યો હતો. સાથે મારપીટ જેવા આરોપો પણ લગાવવામાં આવ્યા હતા, જેને લઈ આ ખેલાડીએ જેલની હવા પણ ખાવી પડી હતી. બાદમાં તેને ક્રિકેટ વિશ્વકપમાં ભાગ લેવા માટે કોર્ટે જામીન પર મુક્ત કર્યો હતો.

મખાયા એન્ટોનિ - દક્ષિણ આફ્રીકાના સૌથી વધારે વિકેટ લેનારા ત્રીજા નંબરના બોલર મખાયા એન્ટોનીનું નામ પણ આ લિસ્ટમાં શામેલ છે. 1999માં પોતાના આંતરરાષ્ટ્રીય ક્રિકેટ કરિયરની શરૂઆતમાં જ એન્ટોની પર તેના ઘરે કામ કરતી એક નોકરાણીએ બળાત્કારનો આરોપ લગાવ્યો હતો.

અમિત મિશ્રા - આ લિસ્ટમાં એકમાત્ર ભારતીય ખેલાડી છે - અમિત મિશ્રા. 2015માં બેંગ્લોરમાં ટીમ ઈન્ડીયાના આ બોલર પર તેમની એક મહિલા મિત્રએ મારપીટ અને ઉત્પીડનનો આરોપ લગાવ્યો, ત્યારબાદ બેંગ્લોર પોલીસે તેની ધરપકડ કરી હતી. પોતાની ફરિયાદમાં મહિલાએ આરોપ લગાવ્યો હતો કે, જ્યારે તે ક્રિકેટરને મળવા તેના રૂમમાં ગઈ તો, મિશ્રાએ તેનું શારીરિક શોષણ કર્યું. જોકે, આ મામલે અમિત મિશ્રાને તૂરંત જામીન મળી ગઈ હતી, બાદમાં પીડિત મહિલાએ પોતાની ફરિયાદ પાછી ખેંચી લીધી હતી. મિશ્રાએ ટીમ ઈન્ડીયા માટે ફેબ્રુઆરી 2017ના રોજ ઈંગ્લેન્ડ વિરુદ્ધ પોતાની ચેલ્લી આંતરરાષ્ટ્રીય મેચ રમી હતી. હાલમાં તે આઈપીએલ અને ઘરેલુ ક્રિકેટમાં સારૂ પ્રદર્શન કરી રહ્યો છે.