Hardik Pandyaને ટીમમાં કેમ નથી મળ્યું સ્થાન? BCCI પ્રમુખ ગાંગુલીએ જણાવ્યું કારણ

BCCIના પ્રમુખ સૌરવ ગાંગુલી (Sourav Ganguly)એ હાર્દિક પંડ્યા (Hardik Pandya) વિશે મહત્ત્વપૂર્ણ નિવેદન આપ્યું છે. હકિકતમાં હાર્દિકને દુબઈમાં રમાયેલી વર્લ્ડ ટી-20 (T20 World cup dubai) બાદ ટીમમાં સ્થાન નથી મળ્યું. હાર્દિકની ઈજા (Hardik Pandya injury) અંગે પણ આ નિવેદન મહત્ત્વનું છે.

હાર્દિક પંડ્યા ઈજાના કારણે બોલિંગ કરી શકતો નહોતો. આ સ્થિતિમાં તેને ટીમમાં સ્થાન મળ્યું નહોતું પરંતુ સૌરવ ગાંગુલીએ જણાવ્યું છે કે તેને આરામ આપવામાં આવ્યો છે. ગાંગુલી ઈચ્છે છે કે હાર્દિક પંડ્યા ટીમમાં પરત ફરે ત્યારે બોલિંગમાં પણ મહત્ત્વૂપ્રણ યોગદાન આપે.

<br />સૌરવ ગાંગુલીએ એનડીટીવીને જણાવ્યું કે હાર્દિક ઈજાગ્રસ્ત હતો. તેને રીકવરી માટે યોગ્ય સમય આપવામાં આવ્યો છે. ભારતીય ક્રિકેટની તે લાંબા સમય સુધી સેવા કરી શકે તે માટે આરામ આપવામાં આવ્યો છે. મને વિશ્વાસ છે કે હું શરૂઆતમાં તેને થોડી રણજી ટ્રોફી મેચ રમતો જોઈશ.

ગાંગુલીએ જણાવ્યું કે મને આશા છે કે હાર્દિક પરત ફરશે તો વધારેમાં વધારે ઓવર ફેંકશે. તેની ફીટનેસનું સ્તર પણ સુધરશે. હવે તે આઈપીએલમાં અમદાવાદની ટીમની કેપ્ટનશીપ પણ કરશે. આ એક એવું પ્લેટફોર્મ છે જ્યાં તેની ફીટનેસ ચકાસવામાં આવશે. ત્યારબાદ નિર્ણય લેવામાં આવશે.

હાલમાં હાર્દિકનું સંપૂર્ણ ધ્યાન આઈપીએલ 2022 પર છે. હાર્દિકને અમદાવાદની ટીમના કેપ્ટન તરીકે પસંદ કરવામાં આવ્યો છે. સીવીસી કેપિટલે હાર્દિકને 15 કરોડ રૂપિયામાં ખરીદ્યો છે તેવામાં હાર્દિકના આઈપીએલ પર્ફોર્મન્સ પર સૌની નજર રહેશે.