કે દાડા નું પૈણું પૈણું કરતો'તો! ગુજ્જુ ક્રિકેટર ઘોડે ચડવાનું સપનુ પૂરુ કરશે, બૉલીવુડની સુંદરી બનશે દુલ્હન

ગુજરાતી ક્રિકેટર હાર્દિક પંડ્યા ફરીથી લગ્નના બંધનમાં બંધાવા જઈ રહ્યો છે. આ માટે તેમણે ખાસ સ્થળ પસંદ કર્યું છે અને આ કાર્યક્રમ 4 દિવસ સુધી ચાલશે. ભારતીય T20 ટીમનાના સુકાની અને ODI ટીમના વાઇસ કેપ્ટન પંડ્યાએ IPL 2022થી ઈજા બાદ શાનદાર વાપસી કરી છે. (Hardik Pandya Instagram)

હિન્દુસ્તાન ટાઈમ્સના સમાચાર મુજબ, પંડ્યા ટૂંક સમયમાં લગ્ન કરવા જઈ રહ્યો છે. હાર્દિક પંડ્યા અને નતાશા સ્ટેનકોવિકે 2020માં કોર્ટ મેરેજ કર્યા હતા. પરંતુ આ પછી કોરોનાને કારણે ભવ્ય કાર્યક્રમ થઈ શક્યો નહીં. ત્યાર પછી પંડ્યા જુલાઈ 2020માં  માતાપિતા બન્યા હતા. (Hardik Pandya Instagram)

હાર્દિક પંડ્યાનો પુત્ર અગસ્ત્ય 3 વર્ષનો થઈ ગયો છે. તે પણ આ લગ્નમાં પણ હાજરી આપશે. મળતી માહિતી મુજબ લગ્ન માટે ઉદયપુરની પસંદગી કરવામાં આવી છે. આ કાર્યક્રમ અહીં 13 થી 16 ફેબ્રુઆરી એટલે કે 4 દિવસ સુધી ચાલશે. તો આ લગ્ન 14 ફેબ્રુઆરી વેલેન્ટાઈન ડેના રોજ થશે એવું માનવામા આવી રહ્યું છે. (Hardik Pandya Instagram)

એટલું જ નહીં જે હોટલમાં યોજાનાર છે ત્યાં લગ્નની તૈયારીઓ લગભગ પૂર્ણ થઈ ગઈ છે. હલ્દી, મહેંદી અને સંગીત બાદ લગ્ન થશે. લગ્ન બાદ એક  ખાસ કાર્યક્રમનું પણ આયોજન કરવામાં આવશે. તેને ઓલ વ્હાઇટ થીમ વેડિંગ નામ આપવામાં આવ્યું છે. ભાઈ કૃણાલ પંડ્યા સહિત ક્રિકેટ જગતના ઘણા ખાસ લોકો આ લગ્નમાં હાજરી આપે તેવી અપેક્ષા છે. (Hardik Pandya Instagram)

હાર્દિક પંડ્યાના લગ્ન એવા સમયે થશે જ્યારે બીજી તરફ ભારતીય ટીમ ઓસ્ટ્રેલિયા સામે ટેસ્ટ સીરિઝ રમી રહી છે. હાર્દિકના લગ્નમાં આ ટીમના ખેલાડીઓ હાજરી આપી નહીં શકે. ઉલ્લેખનીય છે કે હાર્દિકે IPL માં પહેલી જ સિઝન રમી રહેલી ટીમ ગુજરાત ટાઈટન્સને ટાઇટલ ચેમ્પિયન બનાવી હતી. ત્યાર પછી હાર્દિકને ભારતીય ક્રિકેટ ટીમમાં પણ ટી-20 કેપ્ટન બનાવવામાં આવ્યો હતો. (Hardik Pandya Instagram)

ક્રિકેટર અને અભિનેત્રી બંને અવારનવાર એકબીજાના અને પરિવારના ફોટોઝ સોશ્યલ મીડિયામાં શેર કર્યા કરતાં હોય છે. બંનેનો પ્રેમ અનેક વખત સામે આવી જાય છે. હવે તેઓ એકબીજા સાથે હિન્દુ વિધિથી લગ્ન કરશે.

હાર્દિક નતાશા ક્યૂટ સેલિબ્રિટિ કપલ માનવામાં આવે છે. તેઓ એકબીજાને ડેટ કરી રહ્યા હતા ત્યાર પછી હાર્દિકે યોટ પર પ્રપોઝ કર્યું હતું અને બંને બાદમાં કોર્ટ મેરેજ કરીને પરણી ગયા હતા અને તેઓને અગત્સ્ય નામનો દીકરો પણ થયો હતો.