રૈના થયો હતો રેગિંગનો શિકાર, ખેલાડીઓ રાત્રે કરાવતા આવું કામ

ભારતનો સ્ટાર ક્રિકેટર સુરેશ રૈના આજે (27 નવેમ્બર) પોતાનો 32મો બર્થ ડે મનાવી રહ્યો છે. રૈના ભલે હાલ સ્ટાર ક્રિકેટર હોય પણ તેણે અહીં સુધી પહોંચવા ઘણો સંઘર્ષ કર્યો છે. રૈના હાલ ઇન્ડિયાની ટીમમાંથી બહાર છે અને સ્થાન મેળવવા સંઘર્ષ કરી રહ્યો છે.

રૈનાએ એક વખત બોલીવૂડ અભિનેતા અનુપમ ખેરના શો ‘કુછ ભી હો શકતા હૈ’ માં પોતાના જીવન સાથે જોડાયેલા ઘણા ચોંકાવનાર ખુલાસા કર્યા હતા. રૈનાએ કહ્યું હતું કે, બોર્ડિંગ સ્કૂલમાં મારી સાથે રેગિંગ થતું હતું. રાતના 2 વાગ્યે સિનીયર ખેલાડીઓ મારી પાસે કપડા ધોવડાવતા હતા.

રૈનાએ કહ્યું હતું કે, હું ક્યારેય મુરાદનગરથી ગાજીયાબાદ સફર કરતો ન હતો. આવા સંજોગામાં મારા માટે લખનઉમાં એકલો રહેવું ઘણી મોટી વાત હતી. લખનઉમાં મારે ઘણી મુશ્કેલીનો સામનો કરવો પડતો હતો. બોર્ડિંગમાં સિનીયર ખેલાડી મારી પાસે રાત્રે બે વાગ્યે કપડા ધોવડાવતા હતા. આ પછી મારે સવારે પાંચ વાગ્યે ઉઠીને પ્રેક્ટિસ માટે પણ જવું પડતું હતું.

રૈનાએ કહ્યું હતું કે મારા સિનીયરો મને ઘણા ડરાવતા હતા અને મને મારવાની પણ ધમકી આપતા હતા. આ ઘટના બાદ હુ ઘરે જતો રહ્યો હતો અને એક મહિના પછી પરત ફર્યો હતો. થોડા સમય પછી મે પરિવારને મારા ઘરે આવવાનું કારણ બતાવી દીધું હતું.

રૈનાએ 226 વન-ડેમાં 5615, 78 ટી-20માં 1605 અને 18 ટેસ્ટમાં 778 રન બનાવ્યા છે.