Shoaib Akhtar HBD: દુનિયાના સૌથી ફાસ્ટ બોલરનું સન્માન, વોર્ન-મુરલી-અકરમથી વધુ ઘાતક હતો

Happy Birthday Shoaib Akhtar: શોએબ અખ્તરનો જન્મ 13 ઓગસ્ટ, 1975ના રોજ પાકિસ્તાન (Pakistan)ના રાવલપિંડીમાં થયો હતો. તેનું નાનપણ ઘણું ગરીબીમાં પસાર થયું હતું. અખ્તર (Shoaib Akhtar HBD) પોતાના સમગ્ર પરિવારની સાથે એક રૂમના ઘરમાં રહેતો હતો અને તેના પિતા નાઇટ વોચમેન હતા. (તસવીર સાભાર- imshoaibakhtar)

શોએબ અખ્તરે 22 વર્ષની ઉંમરમાં વર્ષ 1997માં વેસ્ટ ઇન્ડિઝની વિરુદ્ધ ટેસ્ટ ડેબ્યૂ કર્યું હતું. તેણે પોતાની પેસ અને ઘાતક બોલિંગથી દુનિયાન બેસ્ટ બેટ્સમેનોને પરેશાન કર્યા. જોકે, બોલિંગમાં કમાલ કરનારા અખ્તર મેદાન પર પોતાની હરકતોને કારણે અનેકવાર વિવાદોમાં પણ રહ્યો. (તસવીર સાભાર- imshoaibakhtar)

શોએબ અખ્તરના નામે ક્રિકેટના ઈતિહાસના સૌથી ફાસ્ટ બોલ ફેંકવાનો રેકોર્ડ છે. તેણે વર્ષ 2003માં ઈંગ્લેન્ડની વિરુદ્ધ 161.3 કિલોમીટર પ્રતિ કલાકની ઝડપે બોલ ફેંક્યો હતો. આ બોલનો સામનો ઈંગ્લેન્ડના ઓપનિંગ બેટ્સમેન નિક નાઇટે કર્યો હતો. (તસવીર સાભાર- imshoaibakhtar)

46 ટેસ્ટ રમનારા આ ફાસ્ટ બોલરે 178 વિકેટ ઝડપી છે. ટેસ્ટ ક્રિકેટમાં તે 12 વાર 5 વિકેટ અને 4 વાર 10 વિકેટ લેવાની સિદ્ધિ મેળવી ચૂક્યો છે. શોએબ અખ્તરે 163 વનડે મેચોમાં 247 અને 15 ટી20 મેચોમાં 19 વિકેટ ઝડપી છે. (તસવીર સાભાર- imshoaibakhtar)

શોએબ અખ્તરે સિમી ગરેવાલને 2005માં આપેલા એક ઇન્ટરવ્યૂમાં સ્વીકાર્યું હતું કે, તે મેદાન પર ગાળો બોલતો હતો. દક્ષિણ આફ્રિકાના ખેલાડી પાલ એડમ્સે શોએબ અખ્તર પર ગાળો બોલવાનો આરોપ લગાવ્યો હતો. અખ્તરની છબિ એક ખરાબ ક્રિકેટર તરીકેની રહી. તેની પર બોલ ટેમ્પરિંગ કરવા, પોતાના સાથી ખેલાડીઓને મારવાના પણ આરોપ લાગ્યા. તેને કારણે શોએબ અખ્તર પર પ્રતિબંધ લાગ્યો અને મોટો દંડ પણ ભરવો પડ્યો. આ ઉપરાંત, વર્ષ 2003માં વર્લ્ડ કપમાં સીનિયર બોલર વકાર યૂનુસ સાથે ઝઘડો કરી દીધો હતો જેને કારણે તેને ટીમમાંથી હાંકી કઢાયો હતો. (તસવીર સાભાર- imshoaibakhtar)

વિવાદો અને ઈજાના કારણે અખ્તર પોતાની 14 વર્ષની કારકિર્દીમાં માત્ર 224 મેચ રમી શક્યો. તેના નામે ક્રિકેટના ત્રણેય ફોર્મેટમાં 444 વિકેટ નોંધાઈ છે અને તેનો સ્ટ્રાઇક રેટ 36.5નો છે. 400થી વધુ વિકેટ લેનાર અખ્તરનો સ્ટ્રાઇક રેટ માત્ર લસિંગ મલિંગાથી ઓછો છે. નોંધનીય છે કે, મુથૈયા મુરલીધરનનો સ્ટ્રાઇક રેટ 46.8, શેન વોર્નનો 51.2 અને ગ્લેન મેકગ્રા-વકીમ અકરમનો સ્ટ્રાઇક રેટ 44.5 ટકા હતો. (તસવીર સાભાર- imshoaibakhtar)

શોએબ અખ્તરે વર્ષ 2011માં વર્ડ્્ કપ બાદ આંતરરાષ્ટ્રીય ક્રિકેટને અલવિદા કહી દીધું. વર્લ્ડ કપ સેમીફાઇનલમાં પાકિસ્તાનને ભારતે હરાવ્યું હતું. અખ્તર આ મેચમાં પ્લેઇંગ ઇલેવનનો હિસ્સો નહોતો. (તસવીર સાભાર- imshoaibakhtar)