Happy Birthday Cheteshwar Pujara: ચેતેશ્વર પૂજારાનો જન્મદિવસ, ટેસ્ટમાં ત્રીજા ક્રમે આ યાદગાર ઈનિંગ્સ રમી

Happy Birthday Cheteshwar Pujara: ટીમ ઈન્ડિયાનો મીની વોલ ચેતેશ્વર પૂજારા આજે 34 વર્ષનો થશે (Cheteshwar Pujara turns 34 today). પૂજારાએ ટેસ્ટમાં 95 મેચ રમી અને કેટલીક યાદગાર સદીઓ મારી છે. એટલું જ નહીં ચેતેશ્વર પૂજારાએ રાહુલ દ્રવિડના નિવૃત થયા બાદ (Rahul Dravid) ત્રીજા ક્રમની બેટિંગમાં ખોટ પડવા દીધી નથી. પૂજારાએ (cheteshwar Pujara Test Career) 95 ટેસ્ટમાં 43.87ની એવરેજથી 6713 રન બનાવ્યા છે. પૂજારા પરિણીત છે અને પત્ની અને દીકરી સાથે અવારનવાર સોશિયલ મીડિયામાં જોવા મળે છે. જોકે, દ્રવિડની જેમ અતિ સામાન્ય અને શાંત જીવન વિતાવતા આ ખેલાડીની સિદ્ધી અનોખી છે. ચાલો આજે કેટલીક યાદગાર ઈનિંગને સંભારીએ

206* vs Englanand-2012 : ઈન્ગલેન્ડ સામે નોટઆઉટ 206 રનની ઈનિંગ કોણ ભૂલી શકે. 2012માં અમદાવાદમાં પૂજારાએ ડબલ સદી મારી. એટલું જ નહીં પરંતુ તેણે 3 નંબરે બેટિંગમાં ઉતરી અને 389 બૉલ રમ્યા હતા. ભારતે 521 રન 8 વિકેટના સ્કોર પર દાવ ડિક્લેર કર્યો હતો જેના કારણે 77 રનનો ટાર્ગેટ જ જીતવા માટે મળ્યો હતો. પૂજારાએ બીજી ઈનિંગમાં ઓપનિંગમાં ઉતરી અને 51 બોલમાં નોટઆઉટ 41 રન માર્યા હતા. ભારત આ ટેસ્ટમાં 9 વિકેટે જીત્યું હતું

<br />204 VS Australia 2013: ટેસ્ટમાં પ્રથમ ડબલ સદી માર્યાના થોડા મહિના બાદ ભારત ઓસ્ટ્રેલિયા સામે રમવા માટે આવ્યું હતું. ત્યારે ઓસ્ટ્રેલિયાની પહેલી ઈનિંગ 237 રનમાં સમાપ્ત થઈ હતી. પૂજારાએ આ મેચમાં 341 બોલ રમી 204 રન બનાવ્યા હતા. જેના કારણે ભારતનો સ્કોર 503 રન થયો હતો.

153 vs SA 2013: ભારતની વર્ષ 2013ની ટેસ્ટ સિરીઝમાં જ્હોનિસબર્ગ ટેસ્ટમાં 270 બોલ રમી અને 153 રનની શાનદાર ઈનિંગ રમી હતી. કોહલી સાથે 222 રનની ભાગીગદારી કરી અને પૂડારાએ 21 ફોર મારી હતી.

<br />123 VS Australia 2018: ઓસ્ટ્રેલિયાના પ્રવાસ દરમિયાન વર્ષ 2018-19માં ભારતની 19માં 3 અને 86માં પાંચ વિકેટ પડી ગઈ હતી. આ મુશ્કેલ ભરી સ્થિતિમાં તેણે 123 રન કર્યા અને ભારતનો સ્કોર 300એ પહોંચાડ્યો હતો. બીજી ઈનિંગમાં પણ પૂજારાએ ત્યારે 71 રન કર્યા હતા.

77 VS AUS 2021: ગત વર્ષે જ સિડની ટેસ્ટમાં પૂજારાએ રમેલી ઈનિંગ ખૂબ યાદગાર અને મહત્ત્વની હતી. બીજી ઈનિંગમાં ચેતેશ્વર પૂજારાના 77 રનના કારણે ભારત ટેસ્ટ ડ્રો કરી શક્યું હતું. પૂજારાએ સિડનીમાં ઓસ્ટ્રેલિયાના ધૂરંધરો સામે 205 બોલ રમી મેચ ડ્રો કઢાવવામાં મદદ કરી હતી.

56 VS AUS 2021: ગત વર્ષે ભારતે ઓસ્ટ્રેલિયાના ગાબામાં 328 રનનો સ્કોર ચેઝ કરી અને ટેસ્ટમાં મેળવેલી ઐતિહાસિક જીતમાં પૂજારાનું સૌથી મોટું યોગદાન હતું. પૂજારાએ શુબમન ગીલ સાથે બીજી વિકેટ માટે 114 રન ઉમેર્યા અને પંત સાથે 61 રનની ભાગીદારી કરી અને ભારતને 56 રન બનાવ્યા હતા. આ મેચ ભારતની ઐતિહાસિક જીત હતી.