INDIAN CRICKETER : ભારતીય ક્રિકેટરે જીવની બાજી લગાવીને તૂટેલા હાથે કરી બેટિંગ, તલવારની જેમ ફેરવતો રહ્યો બેટ

ક્રિકેટર હનુમા વિહારી મેદાન પર જીત માટે બધું દાવ પર લગાવવા માટે જાણીતો છે. ભારતીય ક્રિકેટરે 2021માં ઓસ્ટ્રેલિયામાં ઈન્જેક્શન લઈને બેટિંગ કરી હતી અને સિડની ટેસ્ટ ડ્રો થઈ હતી. જેના કારણે ભારતીય ટીમ શ્રેણીમાં 2-1થી ઐતિહાસિક જીત નોંધાવવામાં સફળ રહી હતી. (Video Grab)

હનુમા વિહારીએ રણજી ટ્રોફીની વર્તમાન સિઝનમાં ફરી એકવાર કંઈક આવું જ રજૂ કર્યું છે. ક્વાર્ટર ફાઈનલમાં તે પહેલા દિવસે ઝડપી બોલર અવેશ ખાનના હાથે ઈજાગ્રસ્ત થયો હતો. તેના હાથમાં ફ્રેક્ચર હતું. આ પછી પણ તેણે બંને દાવમાં એક હાથે બેટિંગ કરી હતી. (AFP)

વિહારીએ ક્રિકઇન્ફો સાથે વાત કરતા કહ્યું હતું કે ફિઝિયોએ તેને કહ્યું હતું કે જો તે ફરીથી બેટિંગ કરવા જાય અને બોલ ઇજાગ્રસ્ત જગ્યા પર  ફરીથી વાગે તો તેને સર્જરી કરાવવી પડી શકે છે. પણ તે સમયે અમે સારી સ્થિતિમાં હતા. આવી સ્થિતિમાં મને લાગ્યું કે મારે ફરીથી બેટિંગ કરવાની જરૂર નથી.

આંધ્રની ટીમ આ પછી  ઘૂંટણીયે થઈ ગઈ હતીઅને સ્કોર 7 વિકેટે 350 રન થઈ ગયો હતો. વિહારીએ કહ્યું હતું કે આ પછી મેં કોચને કહ્યું કે હું ડાબા હાથથી બેટિંગ કરીશ. તેણે કહ્યું હતું કે જો તમને યોગ્ય લાગે તો તમે આ રિસ્કી કામ કરી શકો છો. બધા સેફ ગાર્ડ હાથમાં લઈને હું ઉતર્યો. ટીમના સાથીઓએ મને આમાં મદદ કરી હતી. (BCCI)

હનુમા વિહારીએ કહ્યું હતું કે જ્યારે હું નાનો હતો અને ટેનિસ બોલથી ક્રિકેટ રમતો હતો ત્યારે પણ હું ડાબા હાથે બેટિંગ કરતો નહોતો. ઈજાના કારણે હું રાત્રે બરાબર સૂઈ શકતો ન હતો. કેટલીક દવાઓ લીધી હતી, પરંતુ ઈન્જેક્શન તો લીધું જ ન હતું. (AP)

વિહારીએ કહ્યું હતું કે તે જીતવા માટે જ રમે છે. તેણે કહ્યું હતુ કે હું ભારત માટે રમું કે આંધ્ર માટે રમું ત્યારે  હું હંમેશા જીતવા માંગુ છું. ભલે પછી આ માટે મારે એક હાથે કે એક પગથી જ બેટિંગ કરવી પડે. પણ અંતે  હું મારા અને ટીમના પ્રદર્શનથી ખુશ છું. (AFP)

નોંધનીય છે કે ડિફેન્ડિંગ ચેમ્પિયન મધ્યપ્રદેશે આંધ્રને હરાવીને સેમિફાઇનલમાં જગ્યા બનાવી લીધી છે. વિહારીએ પ્રથમ ઇનિંગમાં 27 રન બનાવ્યા હતા જ્યારે બીજી ઇનિંગમાં 11મા નંબર પર રમતા 15 રન બનાવ્યા હતા. એમપી તરફથી બીજા દાવમાં રજત પાટીદારે અડધી સદી ફટકારી ટીમને જીત અપાવી હતી. (AFP)