Tokyo Olympicsમાં ગોલ્ડ જીત્યા બાદ નીરજ ચોપડા પર ઈનામોનો વરસાદ, જાણો કોણે શું આપ્યું

નવી દિલ્હી. નીરજ ચોપડાએ ટોક્યો ઓલમ્પિકમાં ગોલ્ડ મેડલ (Neeraj Chopra Olympics Gold Medal) જીતીને ઈતિહાસ રચી દીધો છે. તેણે 87.58 મીટર ભાલો ફેંકી (Neeraj Chopra Javelin Throw)ને ભારતને એથલેટિક્સમાં પહેલો ઓલમ્પિક ગોલ્ડ અપાવ્યો. નીરજ ચોપડા ઓલમ્પિકમાં વ્યક્તિગત ગોલ્ડ મેડલ જીતનારો બીજો ભારતીય ખેલાડી બની ગયો છે. નીરજ ચોપડાએ ભારતને ગૌરવ અપાવતા તેની પર કરોડો રૂપિયાના ઈનામનો વરસાદ થઈ રહ્યો છે.

નીરજ ચોપડાની જીત બાદ હરિયાણાના મુખ્યમંત્રી મનોહર લાલ ખટ્ટરે તેના માટે 6 કરોડ રૂપિયાના રોકડ પુરસ્કારની જાહેરાત કરી છે. (તસવીર- AFP)

પંજાબના મુખ્યમંત્રી કેપ્ટન અમરિંદર સિંહે 2 કરોડ રૂપિયાના રોકડ પુરસ્કારની જાહેરાત કરી છે. (તસવીર- AP)

BCCI અને ઈન્ડિયન પ્રીમિયર લીગ ફ્રેન્ચાઇઝી ચેન્નઈ સુપર કિંગ્સે પણ નીરજ ચોપડાને એક-એક કરોડ રૂપિયાનું ઈનામ આપવાની ઘોષણા કરી છે. (તસવીર- AP)

મણિપુરની રાજ્ય સરકારે નીરજ ચોપડાને એક કરોડ રૂપિયાનું પુરસ્કાર આપવાની જાહેરાત કરી છે. (તસવીર- AFP)

ભારત સરકારે 75 લાખ રૂપિયાની ઇનામી રકમ આપવાની જાહેરાત કરી છે. (તસવીર- AP)

ઉદ્યોગપતિ આનંદ મહિન્દ્રાએ નીરજ ચોપડાને Mahindra XUV700 આપવાનું એલાન કર્યું છે. (તસવીર- AP)

નીરજ ચોપડાને પંચકુલામાં એથલેટિક્સના સેન્ટર ફોર એક્સેલન્સનો પ્રમુખ બનાવવાની જાહેરાત કરવામાં આવી છે.

મનોહર લાલ ખટ્ટરે જાહેરાત કરી છે કે નીરજ ચોપડાને સસ્તા દરે પ્લોટ આપવામાં આવશે. નીરજ પર ઈનામોનો વરસાદ હજુ પણ ચાલુ જ છે. (તસવીર- AP)

ઉલ્લેખનીય છેકે, ગોલ્ડ મેડલ જીત્યા બાદ નીરજ ચોપડાએ કહ્યું કે, હું ભાલાની સાથે રન-અપ પર હતો પરંતુ હું વિચારી નહોતો શકતો. મેં સંયમ રાખ્યો અને પોતાના અંતિમ થ્રો પર ધ્યાન લગાવવાનો પ્રયાસ કર્યો જે શાનદાર નહતો પરંતુ ઠીક (84.24 મીટર) હતો. તેણે એવું પણ કહ્યું કે, તેણે 90.57 મીટર (નોર્વેના આંદ્રિયાસ થોરકિલ્ડસનના 2008 બીજિંગ ઓલમ્પિકમાં નોંધાયેલા) ઓલમ્પિક રેકોર્ડના લક્ષ્યને પાર કરવાનો પ્રયાસ કર્યો, પરંતુ એવું ન થઈ શક્યું.