પંડયાથી લઇને યુવરાજ સહિત આ ભારતીય ખેલાડીઓ હાર્યા વિદેશી હસીનાઓ પર દિલ, જુઓ તસવીરો

હાલમાં જ ભારતીય ક્રિકેટર કેએલ રાહુલ અભિનેત્રી આથિયા શેટ્ટી (KL Rahul - Athiya Shetty Marriage) સાથે સાત જન્મોના બંધનમાં બંધાઇ ગયો છે. પરંતુ શું તમે જાણો છો એવા ક્રિકેટર્સ વિશે જેઓ વિદેશ હસીનાઓ સામે દિલ હારી બેઠા અને તેને પોતાની હમસફર (Indian Cricketer who married foreign girls) બનાવી લીધી હોય. ભારતીય ઓલરાઉન્ડર હાર્દિક પંડ્યાએ સર્બિયન મોડેલ નતાશા સ્ટેનકોવિચ સાથે લગ્ન કર્યા છે. આ સિવાય યુવરાજ સિંહ જેવા ખેલાડીઓએ વિદેશી યુવતીઓ સાથે લગ્ન કર્યા છે.

ટીમ ઈન્ડિયાના ઓલરાઉન્ડર હાર્દિક પંડ્યાએ સર્બિયન મોડલ નતાશા સ્ટેનકોવિચ સાથે સાત ફેરા લીધા હતા. આ કપલે 1 જાન્યુઆરી 2020ના રોજ સગાઈ કરી હતી. જ્યારે 31 મે 2020ના રોજ બંને લગ્નના બંધનમાં બંધાયા હતા. હાલ બંને યુગલને એક પુત્ર છે જેનું નામ અગસ્ત્ય છે.

પૂર્વ ભારતીય ઓલરાઉન્ડર ઇરફાન પઠાણે સફા બેગ સાથે લગ્ન કર્યા હતા. વાસ્તવમાં ઈરફાન પઠાણની બેગમ સફા બેગ સાઉદી અરબની એક મોડલ છે. બંનેએ વર્ષ 2014માં લગ્ન કર્યા હતા. આ પહેલા બંનેએ લગભગ 2 વર્ષ સુધી એકબીજાને ડેટ કર્યા હતા. આ ઉપરાંત ઇરફાન પઠાણ અને સફા બેગ વચ્ચે ઉંમરમાં લગભગ 10 વર્ષનો તફાવત છે.

2011ના વન-ડે વર્લ્ડકપના હીરો યુવરાજ સિંહે એક વિદેશી યુવતી હેઝલ કીચ સાથે લગ્ન કર્યા હતા. જો કે તે 2005થી ભારતમાં રહે છે. યુવરાજ સિંહ અને હેઝલ કીચે નવેમ્બર 2016માં લગ્ન કર્યા હતા. હાલ બંને દંપતીને ઓરિયન કીચ સિંઘ નામનું એક બાળક છે.

મનદીપ સિંહ ડોમેસ્ટિક ક્રિકેટમાં પંજાબ તરફથી રમે છે. આ સિવાય તે આઈપીએલમાં ઘણી ટીમો માટે રમી ચૂક્યો છે. આ ખેલાડીએ જગદીપ જસવાલ સાથે લગ્ન કર્યા છે. વાસ્તવમાં જગદીપ જસવાલનો જન્મ ઇંગ્લેન્ડમાં થયો હતો. આ ઉપરાંત તે વ્યવસાયે મેકઅપ આર્ટિસ્ટ છે.

પૂર્વ કેપ્ટન બિશન સિંહ બેદીએ ઓસ્ટ્રેલિયાની જેનિથ સાથે લગ્ન કર્યા હતા. આ બંનેના લગ્ન લાંબા સમય સુધી ન ચાલ્યા અને બંનેના છૂટાછેડા થઈ ગયા. આ પછી, બિશનસિંહ બેદીએ ફરીથી લગ્ન કર્યા. અંગદ બેદી તેમની બીજી પત્નીનો પુત્ર છે. ક્રિકેટમાંથી સંન્યાસ લીધા બાદ તેઓ ભારતીય ટીમના કોચ પણ બન્યા હતા.

સચિન તેંડુલકરના લગ્ન અંજલી મહેતા સાથે થયા હતા. તે સચિન કરતા 6 વર્ષ મોટી છે અને બંનેએ 1995માં લગ્ન કર્યા હતા. અંજલિ વ્યવસાયે ડોક્ટર છે અને તેના પિતા ભારતીય છે જ્યારે માતા બ્રિટીશ છે. અંજલિ પણ બ્રિટિશ નાગરિક છે અને શરૂઆતથી જ ઇંગ્લેન્ડમાં રહે છે.