આ મામલે IPLની ‘દબંગ’ ટીમ છે CSK, દિલ્હી, રાજસ્થાન સૌથી પાછળ

આઇપીએલ-12 શરુ થવાના આડે હવે ફક્ત થોડાક કલાકો બાકી છે. જો આ ટૂર્નામેન્ટમાં સૌથી ઓછી વખત ઓલઆઉટ થનાર ટીમની વાત કરવામાં આવે તો આંકડા ચોંકાવનારા છે. ચેન્નાઈ સુપર કિંગ્સનો આ લિસ્ટમાં દબદબો જોવા મળે છે. ચેન્નાઈ સૌથી ઓછી વખત ઓલઆઉટ થયું છે. સીએસકે અત્યાર સુધી 150 મેચ રમ્યું છે અને ફક્ત 6 વખત ઓલઆઉટ થયું છે, જે એક રેકોર્ડ છે. બીજી તરફ દિલ્હીની ટીમ ઓલઆઉટ થવામાં નંબર 1 છે.

દિલ્હી 161 મેચ રમતા 19 વખત ઓલઆઉટ થયું છે. તે આ મામલે નંબર વન છે. રાજસ્થાન રોયલ્સ 132 મેચમાં 16 વખત, કિંગ્સ ઇલેવન પંજાબ 162 મેચમાં 15 વખત, મુંબઈ ઇન્ડિયન્સ 171 મેચમાં અને બેંગલોર 167 મેચમાં 14-14 વખત ઓલઆઉટ થયું છે.

બે વખત ચેમ્પિયન બનનાર કોલકાતા નાઇટ રાઇડર્સની ટીમ 162 મેચ રમતા 12 વખત પોતાની બધી વિકેટો ગુમાવી છે.

પોતાની સાતમી સિઝન રમી રહેલ સનરાઇઝર્સ હૈદરાબાદે 93 મેચ રમતા ચાર વખત પોતાની બધી વિકેટો ગુમાવી છે.