લગ્ન બાદ યુજવેન્દ્ર ચહલ અને ધનશ્રી વર્માએ શૅર કરી સગાઈની સુંદર તસવીરો

ભારતીય ક્રિકેટ ટીમના સ્ટાર સ્પિનર યુજવેન્દ્ર ચહલ (Yuzvendra Chahal) હાલમાં જ પોતાની મંગેતર ધનશ્રી વર્મા (Dhanashreee Verma)ની સાથે લગ્નગ્રંથીથો બંધાયો છે. ચહલ અને ધનશ્રીએ 22 ડિસેમ્બર 2020ના રોજ સાત ફેરા લીધા અને સોશિયલ મીડિયા પર પ્રશંસકોની સાથે આ ખુશીને શૅર કરી. લગ્નની તસવીરો શૅર કર્યાના એક દિવસ બાદ યુજવેન્દ્ર અને ધનશ્રીએ પોતાની સગાઈ તસવીરો પણ શૅર કરી છે. (Yuzvendra Chahal/Instagram)

યુજવેન્દ્ર ચહલ અને ધનશ્રી વર્માની રોકા સેરેમની આ વર્ષે ઇન્ડિયન પ્રીમિયર લીગના પહેલા ઓગસ્ટ મહિનામાં યોજાઈ હતી. કપલે પોતાની રોકા સેરેમનીની તસવીરો શૅર કરી પોતાના સગપણ વિશે માહિતી આપી હતી. સગાઈની તસવીરો શૅર કરતાં લખ્યું કે, બધું ખૂબ જ સુંદર છે. (Yuzvendra Chahal/Instagram)

યુજવેન્દ્ર ચહલ અને ધનશ્રી વર્માની સગાઈની તસવીર પણ ખૂબ જ સુંદર છે. ચહલ અને ધનશ્રીએ પોતાની સગાઈના પ્રસંગે ઓફ વ્હાઇટ કલરના ડ્રેસ પહેર્યા છે. બંનેના લગ્નની જેમ જ સગાઈના પ્રસંગે પણ ડિઝાઇનર તરૂણ તાહિલાનીએ તૈયાર કરેલા આઉટફિટ પહેર્યા છે. (Dhanashree Verma/Instagram)

રોકા સેરેમની બાદ યુજવેન્દ્ર ઈન્ડિયન પ્રીમિયર લીગ રમવા માટે યૂએઈ જતો રહ્યો હતો. થોડા સમય બાદ ધનશ્રી પણ યૂએઈ ગઈ હતી. તે સ્ટેડિયમથી અનેકવાર ચહલ અને તેની ટીમ આરસીબીને ચીયર કરતી જોવા મળી હતી. (Yuzvendra Chahal/Instagram)

લગ્નમાં ધનશ્રીએ ઘેરા લાલ રંગનો લહેંઘો પહેર્યો હતો, જ્યારે ચહલે શેરવાનીની સાથે ઘેરા લાલ રંગનો સાફો પહેર્યો હતો. લગ્નના આઉટફિટ પણ તરૂણ તાહિલાનીએ ડિઝાઇન કર્યા હતા. (Yuzvendra Chahal/Instagram)

યુજવેન્દ્ર ચહલ અને ધનશ્રી વર્માના લગ્નનો સમારોહ ગુરૂગ્રામના એક રિસોર્ટમાં આયોજિત કરવામાં આવ્યો હતો. ટીમ ઈન્ડિયાના ગબ્બર શિખર ધવન પણ ચહલ અને ધનશ્રીના રિસેપ્શનમાં પહોંચ્યો હતો. તેણે પોતાના ઇન્સ્ટાગ્રામ પર આ કપલ સાથેની તસવીર શૅર કરી છે. (Shikhar Dhawan/Instagram)