કોહલીનો ડરબનમાં ડંકો, બનાવ્યા આ 6 Records

ટીમ ઈન્ડીયાએ સાઉથ આફ્રિકા વિરુદ્ધ ડરબનમાં પહેલીવાર વન ડે મેચ જીતી ઈતિહાસ રચ્યો. આ જીત માટે વિરાટ કોહલીએ સદી ફટકારી મહત્વની ભૂમિકા નિભાવી, સાથે કેટલાક રેકોર્ડ પણ બનાવ્યા.

વિરાટ કોહલીએ 112 રનની પારી રમી, સાઉથ આફ્રિકામાં આ તેની પહેલી સદી છે. જોકે આ તેની ભારત બહારની 19મી સદી છે.

વિરાટ કોહલી અને આજિંક્ય રહાણેએ ત્રીજી વિકેટની ભાગીદારીમાં 189 રન બનાવ્યા, જે દક્ષિણ આફ્રિકા સામેનો નવો રેકોર્ડ છે. આ પહેલા આ રેકોર્ડ સચિન તેંડુલકર ્ને રાહુલ દ્રવિડના નામે હતો, તેમણે 2007માં બેલફાસ્ટમાં 158 રનની ભાગીદારી કરી હતી.

વિરાટ કોહલીએ સ્કોર ચેજ કરી 20મી વખત સદી ફટકારી છે.

કોહલીએ અત્યાર સુધીમાં 33મી વન ડે સદી ફટકારી, સાથે તેણે એક કપ્તાન તરીકે 11મી સદી ફટકારી છે. તેણે પૂર્વ કપ્તાન સૌરવ ગાંગુલીના રેકોર્ડની બરાબરી કરી લીધી છે. સૌરવ ગાંગુલીએ પણ પોતાની કપ્તાનીમાં 11 સદી ફટકારી હતી.

સાઉથ આફ્રિકામાં સદી ફટકાર્યા બાદ, કોહલીએ તમામ 9 દેશમાં સદી ફટકારવાનો રેકોર્ડ બનાવી લીધો છે. તેણે ભારતમાં 14, બાંગ્લાદેશમાં 05, ઓસ્ટ્રેલિયામાં અને શ્રીલંકામાં 4-4, વેસ્ટ ઈન્ડીઝમાં 02, જ્યારે ઈંગ્લેન્ડ, ન્યુઝિલેન્ડ, સાઉથ આફ્રિકા અને ઝિમ્બાબ્વેમાં 01-01 સદી ફટકારી છે.

આ પહેલા સચિન તેંડુલકર અને સનત જયસૂર્યાએ પણ વન ડે ક્રિકેટમાં 09 દેશ સામે સદી ફટકારવાનો રેકોર્ડ પોતાના નામે કરેલો છે. વિરાટ કોહલીએ પાકિસ્તાનમાં અત્યારસુધીમાં કોઈ મેચ રમી નથી.