IPL auctions 2021: રાજસ્થાન રોયલ્સ આ 5 ખેલાડીઓ પર લગાવી શકે છે દાવ

IPL auctions 2021માં રાજસ્થાન રોયલ્સે તેના સ્ટાર પ્લેયર અને ઓસ્ટ્રેલિયાના સ્ટાર કેપ્ટન સ્ટીવ સ્મિથને રીલીઝ કરી દીધો છે. જ્યારે સંજૂ સેમસનને રાજસ્થાનનો નવો કેપ્ટન બનાવ્યો છે. સાથે જ શ્રીલંકાના પૂર્વ કેપ્ટન કુમાર સંગાકારની ટીમના ડાયરેક્ટર તરીકે નિમણૂક કરવામાં આવી છે. રાજસ્થાને 17 ખેલાડીઓને રિટેન કર્યા છે. રિટેન કરેલા ખેલાડીઓમાંથી બેન સ્ટોક્સ, જોસ બટલર અને જોફ્રા આર્ચર એમ 3 જ વિદેશી ખેલાડીઓનો સામાવેશ થાય છે.

ડેવિડ મલાન - રાજસ્થાન રોયલ્સ સ્ટીવ સ્મિથના રીપ્લેસમેન્ટ માટે મિડલઓર્ડરમાં એક સારા અને મજબૂત બેસ્ટમેનની શોધમાં છે. જેમાં ટી-20 સ્પેશ્યાલિસ્ટ બેસ્ટમેન ડેવિડ મલાન સારો વિકલ્પ બની શકે છે. તે અત્યાર સુધી 223 ટી-20 મેચ રમ્યો છે તેણે ટી-20માં 19 મેચમાં 53.43ની એવરેજથી 855 રન કર્યા છે જેમાં તેની સ્ટ્રાઇક રેટ 149.47 છે. જેમાં એક સદી અને 9 ફીફ્ટીનો સમાવેશ થાય છે. જો મલાનનો દિવસ રહ્યો તો હરિફ ટીમને ધ્વસ્ત કરવામાં તે કોઇ કસર છોડતો નથી.

એડમ મિલ્ને - 30 થી 75 લાખની કિંમતમાં એડમ મિલ્ને રાજસ્થાન રોયલ્સ માટે એક સારો અને સસ્તો વિકલ્પ સાબિત થઇ શકે છે. ન્યૂઝીલેન્ડના આ ખેલાડી પાસે 108 ટી-20 મેચનો અનુભવ છે. જેમાં તે 121 વિકેટ લઇ ચૂક્યો છે. જેમાં તેનો ઈકોનોમી રેટ 7.64 છે. મિલ્ને પાસે રો પેસ છે, જે હરિફ બેસ્ટમેનોને પરેશાન કરી શકે છે.

થિસારા પરેરા - શ્રીલંકાનો ઓલરાઉન્ડર થિસારા પરેરા રાજસ્થાન ટીમના ટૉમ કુર્રનનો યોગ્ય વિકલ્પ સાબિત થઇ શકે છે. પરેરા અત્યાર સુધીમાં 287 ટી-20માં 243 વિકેટ લઇ ચૂક્યો છે. નીચલા ક્રમમાં તે ખતરનાક બેસ્ટમેન સાબિત થઇ શકે છે. તેની ટી-20માં સ્ટ્રાઇક રેટ 150.3 છે.

મોહિત શર્મા - રાજસ્થાન રોયલ્સ માટે વરુણ એરોનના રીપ્લેસમેન્ટ માટે મોહીત શર્મા સારો વિકલ્પ સાબિત થઇ શકે છે. મોહીતે 118 ટી-20માં 8.38ની ઇકોનોમી સાથે 113 વિકેટ લીધી છે મોહિત 26 વનડે અને 8 ટી-20માં ભારતનું પ્રતિનિધિત્વ કરી ચૂક્યો છે. તેની પાસે ધીમી ગતિના બોલમાં ધણી બધી વિવિધતાઓ છે. તે સારી લાઇન લેન્થમાં બોલિંગ કરે છે.

હનુમાં વિહારી - રાજસ્થાન રોયલ્સ માટે હનુમા વિહારીને ખરીદવો રસપ્રદ બની શકે છે. તે મધ્યમક્રમમાં ફિટ થાય છે. તે બોલિંગ પણ કરી શકે છે. મહત્વનું છે સંજૂ સેમસન અને બેન સ્ટોક્સની સાથે મહત્વની ભૂમિકા ભજવી શકે છે.