મહેન્દ્ર સિંહ ધોનીના આ ‘7 અનોખા રેકોર્ડ’ જે કદાચ ક્યારેય નહીં તૂટે!

નવી દિલ્હીઃ દરેક હિન્દુસ્તાની 15 ઓગસ્ટે સ્વતંત્રતા દિવસ માટે યાદ કરે છે પરંતુ હવે આ તારીખ ભારતીય ક્રિકેટ માટે પણ ઐતિહાસિક બની ગઈ છે. ભારતના સૌથી સફળ કેપ્ટન મહેન્દ્ર સિંહ ધોની (MS Dhoni)એ આજ દિવસે ક્રિકેટમાંથી સંન્યાસ લેવાની જાહેરાત કરી દીધી છે. 16 વર્ષની લાંબી કારકિર્દી...500થી વધુ આંતરરાષ્ટ્રીય મેચ અને 17 હજારથી વધુ રન. કેપ્ટનથી લઈને બેટિંગ અને પછી વિકેટકીપિંગ ધોનીએ દરેક મોરચે સફળતાના શિખરો સર કર્યા છે...

રેકોર્ડમેન ધોની - 16 વર્ષ લાંબી કારકિર્દીમાં ધોનીએ બેટિંગ અને કેપ્ટન્સીના મોરચે અલગ ઓળખ ઊભી કરી. ભલે તે સિક્સર મારીને મેચ જીતાડવાની હોય કે પછી એક કેપ્ટન તરીકે ભારતને વર્લ્ડ કપ જીતાડવો. ધોનીને ક્રિકેટ પ્રેમી અનેક પાત્રમાં યાદ રાખશે. આમ તો ક્રિકેટમાં રેકોર્ડ બનતા અને તૂટતા રહે છે, પરંતુ ધોનીના 7 રેકોર્ડ અનોખા છે, જેને તોડવ કોઈ પણ ક્રિકેટર માટે મોટો પડકાર હશે.

ચેઇઝ કરીને જીત નોંધાવી – લક્ષ્યનો પીછો કરતાં મેચ જીતાડવી મુશ્કેલ પડકાર હોય છે. પરંતુ ધોનીને ચેઇજ કરવી ખૂબ પસંદ હતી. લક્ષ્યનો પીછો કરીને જીતેલી મેચોમાં ધોની 47 વાર નોટઆઉટ રહ્યો. કોઈ પણ તેના આ રેકોર્ડની આસપાસ પણ નથી.

સિક્સર મારીને જીત – છેલ્લી ઓવર સુધી મેચને લઈ જવી ધોનીની આદત હતી. જેથી 9 વાર તેણે સિક્સર મારીને ટીમ ઈન્ડિયાને જીત અપાવી. આ એક રેકોર્ડ છે. કોઇ પણ બેટ્સમેને અત્યાર સુધી આ કારનામો નથી કરી બતાવ્યો.

સૌથી વધુ સ્ટમ્પિંગ – વનડેમાં ધોનીએ 123 બેટ્સમેનોનું સ્ટમ્પિંગ કર્યું છે. આ વનડેમાં સૌથી વધુ સ્ટમ્પિંગનો રેકોર્ડ છે. ટી-20માં પણ તેણે 34 સ્ટમ્પિંગ કર્યા, આ પણ એક વર્લ્ડ રેકોર્ડ છે.

રન આઉટ – ધોની પોતાની પહેલી અને છેલ્લી વનડેમાં રન આઉટ થયો. વર્ષ 2004માં બાંગ્લાદેશની વિરુદ્ધ પહેલા બોલ પર જ તે રન આઉટ થઈ ગયો હતો, જ્યારે ગયા વર્ષે વર્લ્ડ કપમાં ન્યૂઝીલેન્ડની વિરુદ્ધ 72 બોલ પર 50 રન કર્યા બાદ તે રન આઉટ થઈ ગયો હતો.

સૌથી વધુ રન – એક વિકેટકિપર-કેપ્ટન તરીકે ધોનીએ સૌથી વધુ 6641 રન બનાવ્યા. કોઈ પણ ક્રિકેટરે અત્યાર સુધી આ કારનામો નથી કરી બતાવ્યો.

સૌથી વધુ મેચોમાં કેપ્ટન્સી – ધોનીએ 16 વર્ષની કારકિર્દીમાં સૌથી વધુ 332 મેચોમાં કેપ્ટન્સી કરી. જેમાં 200 વનડે, 72 ટી-20 અને 60 ટેસ્ટ મેચ છે. કોઈ કેપ્ટને આ કારનમો નથી કર્યો. બીજા નંબર પર રિકી પોન્ટિંગ છે. જેણે 324 મેચોમાં કેપ્ટન્સી કરી હતી.

સૌથી વધુ આઇસીસી ટ્રોફી – ધોનીની કેપ્ટન્સીમાં ભારતને આઇસીસીના ત્રણ ટૂર્નામેન્ટમાં જીત મળી. આ કારનામો કોઈ ભારતીય કેપ્ટને નથી કરી બતાવ્યો.