ન્યુઝીલેન્ડ વિરુદ્ધ બે ઓવલ મેદાનમાં ભારતને 92 રનની જીત મળી અને આ સાથે જ તેણે પાંચ મેચની વન ડે સીરિઝમાં 2-0થી લીડ મેળવી લીધી છે. 325 રનનું લક્ષ્ય લઈને ઉતરેલી કીવી ટીમને 234 રન પર ઢેર કરવામાં કુલદીપ યાદવે મહત્વની ભૂમિકા નિભાવી અને કેટલાએ મોટા રેકોર્ડ પોતાના નામે કરી લીધા.
કુલદીપ યાદવે ન્યૂઝિલેન્ડ વિરુદ્ધ નેપિયર વન ડેમાં 4/39ના આંકડો નોંધાવ્યા બાદ તે બે ઓવલમાં 4/45નો દમ દેખાડ્યો. તે ન્યૂઝિલેન્ડમાં સળંગ બે વખત ચાર વિકેટ લેવાવાળો દુનિયાનો પહેલો લેફ્ટ આર્મ સ્પિનર બની ગયો છે.
પાંચમી વખત કુલદીપ યાદવે વન ડે ક્રિકેટમાં એશિયા બહાર ચાર અથવા પછી વધારે વિકેટ ઝડપી છે અને અનિલ કુંબલેની બરાબરીમાં પહોંચી ગયો છે. કુંબલેએ 94 તો કુલદીપે 18 મેચોમાં આવું કર્યું છે.
જો ન્યૂઝિલેન્ડમાં ચાર વિકેટ લેવાની વાત કરીએ તો, કુલદીપે અનિલ કુંબલેની સાથે-સાથે જવાગલ શ્રીનાથની બરાબરી કરી લીધી છે. કુલદીપ, જંબો અને શ્રીનાથે બે-બે વખત આવું કર્યું છે. જ્યારે મોહમ્મદ શમીએ ચાર વિકેટ લીધી છે.
વન ડે ક્રિકેટમાં કુલદીપ યાદવે 37 મેચ રમીને પાંચમી વખત ચાર અથવા તેનાથી વધારે વિકેટ લીધી છે. ભારતીય રેકોર્ડ અનિલ કુંબલે (10)ના નામે છે, તેણે આવું 269 વન ડે મેચોમાં કર્યું છે. ત્યારબાદ રવિન્દ્ર જાડેજા (8 વખત, 147 મેચ), સચિન તેંડુલકર (6 વખત, 463 મેચ) અને હરભજન સિંહ (5 વખત, મેચ 234) આવે છે.
એશિયા બહાર સળંગ બે વખત વન ડે ક્રિકેટમાં ચાર વિકેટ લેવાનો રેકોર્ડ ચહલ અને કુલદીપ યાદવે કર્યો છે. ચહલે આવું 2018માં સાઉથ આફ્રિકામાં કર્યું હતું. જ્યારે કુલદીપ યાદવે ન્યુઝીલેન્ડ ટીમને શિકાર બનાવી.
કુલદીપ યાદવના નામે 37 વન ડેમાં 77 વિકેટ થઈ ગઈ છે, જે આટલી મેચનો બીજો સર્વોચ્ચ પ્રદર્શન છે. વર્લ્ડ રેકોર્ડ અફઘાનિસ્તાનના રાશિદ ખાનના નામે છે, તેણે 83 શિકાર કર્યા છે.
