જાણીએ બર્થ-ડે બોય રાહુલ દ્રવિડ વિશેની 8 ખાસ વાતો...

ટીમ ઈન્ડીયા માટે 164 ટેસ્ટમાં 13288 રન, 344 વન-ડેમાં 10889 રન અને એકમાત્ર ટ-20 ઈન્ટરનેશનલ મેચમાં 31 રન બનાવનાર દિગ્ગલ બેટ્સમેન રાહુલ દ્રવિડ આજે પોતાનો 45મો જન્મ દિવસ મનાવી રહ્યો છે. તો જોઈએ તેના વિશેની કેટલીક ખાસ વાતો....

પદ્મ શ્રી અને પદ્મ ભૂષણ એવોર્ડથી સન્માનિત રાહુલ દ્રવિડે 164 ટેસ્ટ મેચમાં 210 કેચ પકડ્યા છે, જે વર્લ્ડ રેકોર્ડ છે.

રાહુલ દ્રવિડે સળંગ 94 ટેસ્ટ મેચ રમી છે. 93 ટેસ્ટ ભારત માટે, ત્યારે એક ટેસ્ટ મેચ આઈસીસી ઈલેવન માટે રમી છે. તે સુનિલ ગાવસ્કર બાદ આવું કરનાર બીજા નંબરનો ભારતીય ખેલાડી છે. વર્લ્ડ રેકોર્ડ એલન બોર્ડ (153)ના નામે છે.

ટીમ ઈન્ડીયામાં ત્રીજા નંબર પર બેંટિંગ કરી સૌથી ઝડપી 10000 રન બનાવનાર ખેલાડી રાહુલ દ્રવિડ છે. આ સિવાય તમામ દેશ સામે ટેસ્ટ મેચમાં સદી ફટકારવાનો રેકોર્ડ પણ તેના નામે છે.

સચિન તેંડુલકર અને રાહુલ દ્રવિડ વચ્ચે ટેસ્ટ મેચમાં 20 વખત સદીની પાર્ટનરશીપ રહી છે. જ્યારે આ બંનેની પાર્ટનરશીપમાં 7000 રન બન્યા છે. આ બંને વર્લ્ડ રેકોર્ડ છે. આટલું જ નહી રાહુલે અન્ય બેટ્સમેનો સાથે 783 વખત સદીની પાર્ટનરશીપ કરી છે. વેસ્ટ ઈન્ડીઝના શિવનારાયણ ચંદ્રપોલ 750 પાર્ટનરશિપ સાથે નંબર વન પર છે.

દ્રવિડે 509 ઈન્ટરનેશનલ મેચમાં 24208 રન બનાવ્યા. જ્યારે સચિને 34357 રન બનાવ્યા છે, સચિન બાદ તે બીજા નંબરનો સૌથી સફળ ભારતીય બેટ્સમેન

દ્રવિડે ટેસ્ટમાં 36 સદી ફટકારી છે, તેંડુલકર - 51, જેક કાલિસ - 45, રિકિ પોન્ટિંગ - 41 અને કુમાર સંગાકારા - 38 બાદ સૌથી વધુ સદી ફટકારનાર બેટ્સમેન

તેણે 2003-2007 વચ્ચે 25 ટેસ્ટ મેચમાં તેણે કપ્તાની કરી, જેમાં 8માં જીત અને 6માં હાર મળી. 11 ડ્રો ગઈ. દ્રવિડ ભારતને સાઉથ આફ્રિકામાં પહેલી ટેસ્ટ મેચ જીત અપાવવાનો રેકોર્ડ ધરાવે છે.

2001માં કોલકત્તા ટેસ્ટમાં વીવીએસ લક્ષ્મણ અને રાહુલ દ્રવિડ વચ્ચે 376 રનની ભાગીદારી ટેસ્ટ ક્રિકેટનો યાદગાર દિવસ કહેવાય છે. ઓસ્ટ્રેલિયા વિરુદ્ધ આ ટેસ્ટમાં લક્ષ્મણે 281 રન તો દ્રવિડે 180 રન બનાવ્યા હતા.