India vs West Indies: પ્રથમ વન-ડેમાં બની શકે છે આ રેકોર્ડ

ટી-20 સિરીઝમાં વેસ્ટ ઈન્ડિઝને ક્લીન સ્વિપ કરનારી ટીમ ઈન્ડીયા હવે વન ડે સીરિઝમાં જીતના ઈરાદે ઉતરશે. પ્રથમ વન ડે મેચ આજે ગયાનામાં ભારતીય સમયાનુસાર સાંજે 7 કલાકે શરૂ થશે. આ મુકાબલામાં શાનદાર મુકાબલો તો જોવા મળશે જ સાથે કેટલાક રેકોર્ડ્સ છે જે આ મેચ અને વન ડે સિરીઝમાં તુટી શકે છે. વિરાટ કોહલી, રોહિત શર્મા, ક્રિસ ગેઈલ જેવા દિગ્ગજ ખેલાડીઓ પાસે કેટલાએ રેકોર્ડ બનાવવાનો મોકો છે. તો એક નજર તેના પર કરીએ.

1 - ગયાના વન ડેમાં ઓપનર બેટ્સમેન ક્રિસ ગેઈલ વન ડેમાં વેસ્ટ ઈન્ડીઝ માટે સૌથી વધારે રન બનાવનાર ખેલાડી બની શકે છે. ગેઈલ જો 11 રન વધુ બનાવી લેશે તો, બ્રાયન લારાને પાછલ પાડી દેશે. લારાના નામ પર વન ડેમાં 10,405 રન છે.

વિરાટ કોહલી પાસે પણ ગયાના વન ડેમાં એક મોટો રેકોર્ડ બનાવવાનો મોકો છે. જો વિરાટ કોહલી 19 રન બનાવી લેશે તો, તે વેસ્ટ ઈન્ડીઝ વિરુદ્ધ સૌથી વધારે રન બનાવનાર ખેલાડી બની જશે. જાવેદ મિયાંદાદે વેસ્ટ ઈન્ડીઝ વિરુદ્ધ 1930 રન બનાવ્યા છે, જ્યારે વિરાટ કોહલીના 1912 રન થઈ ચુક્યા છે. જો આ મેચમાં તે 88 રન બનાવી લેશે તો, તેના વિન્ડીઝ વિરુદ્ધ 2000 વન ડે રન પૂરા થઈ જશે.

3 - રોહિત શર્મા જો વેસ્ટ ઈન્ડીઝ વિરુદ્ધ ગયાના વન ડેમાં સદી ફટકારે તો તેનાએ ક્રિકેટમાં 11 હજાર રન પૂરા થઈ જશે. રોહિત શર્માના નામે એ ક્રિકેટના લિસ્ટમાં હાલ 10900 રન છે.

4 - યુજવેન્દ્ર ચહલને જો ગયાના વન ડેમાં રમવાનો મોકો મળે છે તો તેની આ 50મી વન ડે મેચ હશે.

5 - ચાઈનામેન કુલદીપ યાદવ જો આ વન ડે સિરીઝમાં 7 વિકેટ લેશે તો, તેની વન ડેમાં 100 વિકેટ પૂરી થઈ જશે. તે હાલમાં 93 વન ડે વિકેટ લઈ ચુક્યો છે.