IPL 2020ની સ્પોન્સરશિપ રેસમાં સામેલ બાબા રામદેવ, પતંજલિ લગાવી શકે છે બોલી

નવી દિલ્હીઃ આઈપીએલ (IPL)ની 13મી સીઝન માટે મુખ્ય પ્રાયોજક વીવો (Vivo) હટી ગયા બાદ બીસીસીઆઈ (BCCI) નવા સ્પોન્સરની શોધમાં છે. મળતા અહેવાલો મુજબ, યોગ ગુરુ બાબા રામદેવ (Baba Ramdev)ની કંપની પતંજલિ (Patanjali)એ આઈપીએલ 2020 (IPL 2020)ની સ્પોન્સરશિપ માટે બોલી લગાવી શકે છે. ઇકોનોમિક્સ ટાઇમ્સ મુજબ, પતંજલિના સ્પોક્સપર્સન એસ. કે. તિજરવાલાએ કહ્યું કે, પતંજલિને ગ્લોબલ બ્રાન્ડ બનાવવા માંગે છે અને આ પ્રકારથી અમે આઈપીએલ સ્પોન્સરશિપ વિશે વિચારી રહ્યા છે. (ફાઇલ તસવીર)

પતંજલિને થશે મોટો ફાયદોઃ જોકે, માર્કેટના જાણકારોનું માનીએ તો પતંજલિ એક ગ્લોબલ બ્રાન્ડ નથી. જો તે આઈપીએલનું ટાઇટલ સ્પોન્સર બને છે તો તેને ચોક્કસ ફાયદો થશે પરંતુ આઈપીએલને તેનો ફાયદો નહીં થાય. (ફાઇલ તસવીર)

વીવોના ગયા બાદથી આઇપીએલના ટાઇટલ સ્પોન્સરશિપમાં જિયો, અમેઝોન, ટાટા ગ્રુપ, ડ્રીમ 11 અને બાયજુઝ જેવી કંપનીઓ રસ દર્શાવી ચૂકી છે. બીસીસીઆઈ આઈપીએલ-13ના નવા પ્રાયોજક માટે પૂરી પારદર્શિતા અને પ્રક્રિયાનું પાલન કરશે. (ફાઇલ તસવીર)

BCCI ટૂંક સમયમાં આઈટીબી બહાર પાડશે. સ્પોન્સર પસંદ કરવા માટે ટેન્ડર પ્રક્રિયાનું પાલન કરવામાં આવશે કારણ કે બોર્ડ પારદર્શિતા ઈચ્છે છે. (ફાઇલ તસવીર)

ઇન્વિટેશન બિડ હેઠળ હરાજી જીતનારી કંપનીને યૂએઇમાં 19 સપ્ટેમ્બરથી 10 નવેમબર સુધી રમનારરી આઈપીએલ સીઝન 13નું સ્પોન્સર પસંદ કરવામાં આવશે. (ફાઇલ તસવીર)

વીવોથી બીસીસીઆઈને મળવાના હતા 440 કરોડઃ બીસીસીઆઈએ ગત સપ્તાહે વીવોની સાથે કરાર ખતમ કરવાનો નિર્ણય લીધો હતો. વીવો ઇન્ડિયાએ 2017માં આઈપીએલ ટાઇટલ સ્પોન્સરશિપ અધિકાર 2199 કરોડ રૂપિયામાં મેળવ્યા હતા. કરાર મુજબ, કંપની દરેક સીઝનમાં બીસીસીઆઈને લગભગ 440 કરોડ રૂપિયાની ચૂકવણી કરતી હતી. (ફાઇલ તસવીર)