PHOTOS: ક્રિસ ગેલની પત્ની છે ફેશન ડિઝાઇનર, કપલની બિંદાસ્ત તસવીરો જોઈને રહી જશો દંગ

તાજેતરમાં જ વર્લ્ડકપ ટ-20 દરમિયાન વેસ્ટઇન્ડિઝના ક્રિકેટર ડોન બ્રાવોએ નિવૃત્તિની જાહેરાત કરી દીધી. આ સાથે જ ક્રિસ ગેલની નિવૃત્તિના (chris gayle Retirement) સમાચાર પણ સામે આવ્યા હતા. જોકે, ગેલે સ્પષ્ટતા કરી છે કે તે હાલમાં નિવૃત્ત થયો નથી. અહેવાલો મુજબ તે વેસ્ટઇન્ડિઝમાં પોતાના વતન જમૈકામાં છેલ્લી મેચ રમવા માંગે છે. જોકે, ક્રિસ ગેલની નિવૃત્તિના સમાચાર સામે આવ્યા છે ત્યારે તેના વિશે જાણવામાં અનેક લોકોને રસ પડશે. ક્રિસ ગેલ વૈભવી જિંદગી જીવવા માટે જાણીતો છે. ફેશન ડિઝાઇનર પત્ની ( Chris Gayle wife fashion designer natasha berridge) સાથે બિંદાસ્ત જીવન જીવતો યુનિવર્સલ બોસ ગેલ ખરા અર્થમાં જિંદગીને માણે છે.

વેસ્ટઇન્ડિઝનો આ ક્રિકેટર હંમેશા પોતાની આગવી જીવનશૈલીના કારણે ચર્ચામાં રહે છે. પોતાની ફેશન ડિઝાઇનર પત્ની સાથે જાત જાતના કપડાં પહેરીની તસવીરો પડાવવાથી લઈને પાર્ટી માટે જાણીતો ગેલ હંમેશા હેડલાઇનમાં રહે છે. જોકે, ક્રિસ ગેલની જેમ તેની પત્ની પણ શોખીન છે. ગેલે વ્યવસાયે ફેશન ડિઝાઇનર નતાશા બેરીજ સાથે વર્ષ 2016માં લગ્ન કર્યા હતા અને તેમને એક પુત્રી પણ છે.

ક્રિસ ગેલ અને નતાશા પ્રેમમાં હતા અને બાદમાં તેમણે લગ્ન કરી લીધા હતા. નતાશા ઘણીવાર આઈપીએલમાં ક્રિસ ગેલને ચીયર કરતી જોવા મળે છે. નતાશા અને ગેલ તેમની લાઇફ સ્ટાઇલ માટે જાણીતા છએ.

ફેશન પરેડની તેમની તસવીરો સમગ્ર વિશ્વમાં પ્રખ્યાત છે. નતાશા ફેશન ડિઝાઇનર છે અને અલ્ટ્રા નામનથી પોતાની બ્રાન્ડ ચલાવે છે. તે પોતાની બ્રાન્ડના કોસ્ચ્યુમ બનાવી અને કાર્નિનવલમાં પણ જોવા મળે છે.

નતાશાની જીવન શૈલી પણ વૈભવી છે અને તે ઇન્સ્ટાગ્રામ પર ખૂબ બધી તસવીરો મૂકે છે. પતિ-પત્ની બંને શરમ સંકોચ રાખ્યા વિના બિંદાસ્ત જીવન જીવે છે.

નતાશા વેસ્ટઇન્ડિઝના સેન્ટ કિટ્સમાં યોજાતા અલ્ટ્રા કાર્નિવલની ફાઉન્ડર પણ છે. તેની સાથે ક્રિસ ગેલ પણ આ ફેસ્ટિવલમાં ભાગ લેય છે. નતાશા અને ગેલના ઇન્સ્ટાગ્રામ પર અવારનવાર આવા ફેસ્ટિવલની તસવીરો જોવા મળે છે.

ક્રિસ ગેલનો પરિવાર જમૈકાના કિંગસ્ટનમાં રહે છે. તેના પિતા પોલીસમાં હતા. જ્યારે સંતાનમાં તેમને ક્રિસ સહિત 6 દીકરા દીકરી છે.

ક્રિસ ગેલ એક અહેવાલ મુજબ 231 કરોડ રૂપિયાની સંપતિ ધરાવે છે. વિશ્વની જુદી જુદી ટી-20 લીગ અને વેસ્ટઇન્ડિઝ માટે ક્રિકેટ રમી તે કરોડો રૂપિયા રળે છે જ્યારે તે અનેક ધંધામાં પણ પડ્યો છે.