પત્નીની ભાણી પર આવ્યું દિલ તો ફૂટબોલરે તોડ્યો 12 વર્ષનો સંબંધ, બનવા જઈ રહ્યો છે ચોથા બાળકનો પિતા

બ્રાઝિલિયન (Brazil)ફૂટબોલર હલ્ક (footballer Hulk)ચોથી વખત પિતા બનવાનો છે. હલ્કના પ્રેમની કહાની અનોખી છે. હલ્ક પોતાની પત્ની ઇરાન એન્જલોની (Iran Angelo) ભાણીના પ્રેમમાં પડ્યો હતો. આ પછી પોતાની પત્ની સાથેનો 12 વર્ષનો સંબંધ તોડીને પત્નીની ભાણી સાથે લગ્ન કર્યા હતા. હવે આ હલ્ક બીજી પાર્ટનર કેમિલાના બાળકનો પિતા બનવાનો (footballer Hulk Wife Camila Angelo Pregnant)છે. હલ્કે આ જાણકારી Instagram Account પર શેર કરી છે. તમને જણાવી દઈએ કે હલ્ક અને તેની પત્નીની ભાણી વચ્ચેનો પ્રેમ ચર્ચામાં રહ્યો હતો અને તેની ઘણી ટિકા પણ થઇ હતી.

Hulk પોતાની પત્નીની 35 વર્ષની ભાણીની સુંદરતા પણ મોહી ગયો હતો. કેમિલા એન્જલો (Camila Angelo) નામની તેની હાલની પાર્ટનર તેની પૂર્વ પત્નીની ભાણી છે. તેથી જોવા જઈએ તો કેમિલા હલ્કની પણ ભાણી હતી. આમ છતા બંનેએ પોતાનો સંબંધ આગળ વધાર્યો હતો. હવે કેમિલા ફૂટબોલર હલ્કના ચોથા બાળકને જન્મ આપવાની છે.

The Sunના મતે 2019થી જ હલ્ક અને કેમિલા રિલેશનશિપમાં છે. ગત વર્ષે જ તેણે પોતાની પૂર્વ પત્ની ઇરાન એન્જલોને છૂટાછેડા આપ્યા હતા. જેથી તે કેમિલા સાથે પોતાનું ઘર વસાવી શકે.

હલ્કના આ અજીબ પ્રેમને લઇને તેની ઘણી ટિકા પણ થઇ હતી. જોકે તેણે કોઇની પર ચિંતા કર્યા વગર ચોથી વખત પિતા બનવાની જાહેરાત પ્રશંસકોને આપી છે. તેને જોઈને લાગી રહ્યું છે કે તેને લોકોની ટિકાનો કોઇ ફેર પડ્યો નથી. હલ્કે માર્ચ 2020માં પ્રથમ પત્નીની ભાણી સાથે લગ્ન કર્યા હતા.

હલ્કની પ્રથમ પત્નીની તેમને ત્રણ બાળકો છે અને હવે તે બીજી પત્નીથી ચોથી વખત પિતા બનવા જઈ રહ્યો છે. કેમિલા અને હલ્કનું આ પ્રથમ બેબી છે. આ વાતની જાહેરાત હલ્કે અલ્ટ્રાસાઉન્ડ સ્કેન બતાવીને કરી છે. તેણે ફોટો પણ શેર કર્યો છે.

2019ના અંતમાં હલ્કે એ વાતનો ખુલાસો કર્યો હતો કે તે પોતાની પત્નીની ભાણી સાથે રિલેશનશિપમાં છે. તેણે પોતાના માતા-પિતા અને કેમિલાના ભાઈ સામે આ સંબંધનો સ્વીકાર કર્યો હતો. આ દરમિયાન હલ્કની પ્રથમ પત્ની ઇરાન એન્જલોએ આ સંબંધ પર પોતાની પ્રતિક્રિયા આપતા કહ્યું હતું કે હલ્કે તેને જીવનનો સૌથી મોટો સદમો આપ્યો છે. (All Photo Credit- Instagram)