Axar Patel Wife: કોણ છે અક્ષર પટેલની પત્ની મેહા? ખુબસુરતીથી સોશિયલ મીડિયા પર મચાવે છે ધૂમ

ભારતીય ટીમના સ્ટાર ઓલરાઉન્ડર અક્ષર પટેલ પણ લગ્નના બંધનમાં બંધાઈ ગયા છે. અક્ષરે પોતાની મંગેતર મેહા પટેલ સાથે સાત ફેરા લઇ લીધા છે. બંનેની સગાઇ ગયા વર્ષે થઇ હતી. અક્ષરની પત્ની મેહા સોશિયલ મીડિયા સેન્સેશન છે અને સતત એક્ટિવ રહે છે.

અક્ષર પટેલે ગુરુવાર(26 જાન્યુઆરી)ના રોજ ગુજરાતના વડોદરામાં લગ્ન કર્યા. આ ફંક્શનમાં જયદેવ ઉનડકટ સહિત ઘણા ક્રિકેટરો પણ પહોંચ્યા હતા. ઉનડકટે મહેંદી સેરેમનીની કેટલીક તસવીરો ઈન્સ્ટાગ્રામ પર શેર કરી છે. આમાં અક્ષર પટેલ અને મેહા પણ સાથે જોવા મળી રહ્યા છે.( ફોટો: instagram- @jd_unadkat)

અક્ષરના વરઘોડાનો વીડિયો પણ સામે આવ્યો છે. વરરાજા બનેલા અક્ષરે કારમાં વરઘોડો કાઢ્યું હતો. પરિવારના સભ્યો તેની સાથે બેઠેલા જોવા મળ્યા હતા. અક્ષર અને મેહાની મહેંદી અને હળદરની વિધિ પણ થઈ હતી, જેની કેટલીક તસવીરો પણ વાયરલ થઈ હતી.( ફોટો: instagram- @meha2026)

28 વર્ષના અક્ષર પટેલ અને મેહા લાંબા સમયથી એકબીજાને ડેટ કરી રહ્યાં હતાં. મેહા અને અક્ષરની સગાઈ ગયા વર્ષે જ થઈ હતી. હવે બંને લગ્નના બંધનમાં બંધાઈ ગયા છે.( ફોટો: instagram- @meha2026)

મેહા પટેલ વ્યવસાયે ડાયટિશિયન અને ન્યુટ્રિશનિસ્ટ છે. તે સોશિયલ મીડિયા પર ડાયટ પ્લાન પણ શેર કરે છે. અક્ષર પટેલ અને મેહા પણ ઘણી વખત સાથે રજાઓ માળતા જોવા મળ્યા છે. તાજેતરમાં બંને અમેરિકા પણ ગયા હતા.( ફોટો: instagram- @meha2026)

મેહાએ અક્ષર પટેલ માટે તેના એક હાથ પર અક્ષ નામનું ટેટૂ બનાવ્યું છે. મેહા પટેલને રીલ્સ બનાવવાનો પણ ઘણો શોખ છે. તે ઈન્સ્ટાગ્રામ પર સતત રીલ્સ શેર કરતી રહે છે. મેહાના 27 હજાર ફોલોઅર્સ છે.( ફોટો: instagram- @meha2026)

અક્ષર પટેલે આ વર્ષની શરૂઆતમાં શ્રીલંકા સામે T20 અને ODI શ્રેણી રમી હતી, જેમાં તેનું પ્રદર્શન શાનદાર રહ્યું હતું. જોકે ભારતીય ટીમે હાલમાં જ ન્યુઝીલેન્ડ સામેની ત્રણ મેચની વનડે શ્રેણીમાં ક્લીન સ્વીપ કરીને જીત મેળવી હતી. હવે ભારતીય ટીમ અને ન્યુઝીલેન્ડ વચ્ચે ત્રણ મેચની T20 સીરીઝ રમાશે. અક્ષરે લગ્ન માટે આ બંને સિરીઝમાંથી બ્રેક લીધો છે.