Asian Games 2018: માત્ર 15 વર્ષના શાર્દૂલ વિહાને ભારતને અપાવ્યો સિલ્વર મેડલ

જકાર્તામાં ચારી રહેલી એશિયન ગેમ્સમાં ભારતે 16મો મેડલ જીતી લીધો છે. ભારતને આ સિલ્વર મેડલ શૂટિંગમાં મળ્યો છે. માત્ર 15 વર્ષના શૂટર શાર્દૂલ વિહાનને પોતાની પહેલી જ એશિયન ગેમ્સમાં સિલ્વર મેડલ પોતાના નામે કર્યો છે.

ડબલ ટ્રેપ શૂટિંગમાં શાર્દૂલ વિહાને શાનદાર પ્રદર્શન કર્યું. તેણે સૌથી વધારે 141 અંક સાથે ફાઈનલમાં જગ્યા બનાવી. ત્યારબાદ શાર્દૂલે ફાઈલનમાં સિલ્વર મેડલ પર કબ્જો કર્યો.

શાર્દૂલ વિહાન મેરઠનો રહેવાસી છે. તે 7 વર્ષની ઉંમરથી શૂટિંગની પ્રેક્ટિસ કરી રહ્યો છે. તમને જણાવી દઈએ કે, શાર્દૂલ વિહાને ક્રિકેટ અને બેડમિંટન જેવી રમતોમાં પણ હાથ અજમાવ્યો હતો. બેટમિંટન કોચે તો શાર્દૂલને આ રમત માટે લાયક ન સમજ્યો. ત્યારબાદ તેણે શૂટિંગની પ્રેક્ટિસ શરૂ કરી.

શાર્દૂલ વિહાન એક દિવસમાં ચાર ગોલ્ડ મેડલ જીતીને ચર્ચામાં આવ્યો હતો. વર્ષ 2017માં તેણે શૂટિંગ ચેમ્પિયનશિપના જુનિયર અને સિનિયર વર્ગેમાં ભાગ લઈને વર્લ્ડ નંબર વન અંકુર મિત્તલ અને કોમનવેલ્થ ગેમ્સના મેડલિસ્ટ મોહમ્મદ અસબને હરાવી ગોલ્ડ જીત્યો હતો.