શાહિદ આફ્રિદીની દીકરીના લગ્ન 'આફ્રિદી' પરિવારમાં જ થશે, જમાઈ છે પાકિસ્તાનનો ફાસ્ટ બોલર

પાકિસ્તાનના ઓલરાઉન્ડર અને પૂર્વ કેપ્ટન શાહિદ આફ્રિદી (Shahid Afridi) ટૂંક સમયમાં જ પાકિસ્તાનના ફાસ્ટ બૉલરના (Shaheen Shah Afridi) સસરા બની જશે. ટીવી પર યંગ દેખાતા શાહિદ આફ્રિદીએ દીકરીનું લગ્ન નક્કી કરી નાખ્યું છે. જોકે, આફ્રિદીની દીકરીના લગ્ન 'આફ્રિદી' પરિવારમાં જ થવાના છે. તેનો જમાઈ પાકિસ્તાનનો ફાસ્ટ બૉલર છે જેણે આ વર્લ્ડકપમાં તરખાટ મચાવ્યો હતો.

આફ્રિદીની દીકરીનું નામ અક્સા છે. 20 વર્ષની અકસાનો સંબંધ ફાસ્ટ બૉલર શાહિન શાહ આફ્રિદી સાથે નક્કી થયો છે. આ અંગે સત્તાવાર રીતે જાહેરાત પણ કરી દેવામાં આવી છે. ટૂંક સમયમાં બંનેના લગ્ન થઈ શકે છે.

શાહિદ આફ્રિદીએ એક જ પરિવારમાં લગ્ન કરવા અંગે જીયો ટીવીની જણાવ્યું હતું કે આફ્રિદી પરિવારના જુદા જુદા 8 ફાટા છે. હું અને શાહિન અલગ અલગ કૂળના આફ્રિદી છીએય આમ શાહિદ આફ્રિદીની એક જ અટકનો પ્રશ્ન અહીંયા નડતો નથી.

શાહિદ આફ્રિદીએ પોતાની પિતરાઈ નાદિયા સાથે લગ્ન કર્યુ હતું. આફ્રિદીની સંતાનમાં પાંચ દીકરીઓ છે. પાંચ દિકરીઓમાં સૌથી મોટી અક્સા છે.

આફ્રિદીની અન્ય દીકરીઓના નામ અનશા, અજવા, અસમારા અને અરવા છે. અક્સાના લગ્ન તેનો અભ્યાસ પૂર્ણ થાય ત્યારબાદ થવાના છે. અક્સા સ્ટેડિયમમાં અનેકવાર મેચમાં જોવા મળે છે ત્યારે હવે આફ્રિદી ક્રિકેટરનો જ સસરા બનશે જ્યારે ફાસ્ટબોલર જમાઈ વર્લ્ડકપમાં પોતાની આગવી ઓળખ બનાવી ચુક્યો છે.