Tapi News: તાપીના મોરંબામાં પાડોશીઓએ જ આધેડની કરી હત્યા, કારણ છે સાવ નજીવું

હેમંત ગામિત, તાપીઃ તાપી જિલ્લાના (tapi jilla) કુકરમુંડા તાલુકાના મોરંબા ગામના (moramba villag) વચલા ફળિયાના રહેતા ખેત-મજૂરી કરીને કુટુંબ પરિવારનું જીવન ગુજરાન ચલાવનાર રૂપસિંગભાઇ રાન્યાભાઇ વળવી (ઉ.વ.આ 45 રહે.મોરંબા)ને ગતરોજ મોડી સાંજે પાડોશીઓ અજબસિંગભાઇ રામાભાઇ વળવી,વિશાલભાઇ અજબસિંગભાઇ વળવી અને અરુણાબેન અજબસિંગભાઇ વળવી વગેરેએ ઢીકા મુક્કીનો મારમારી (man murder by beats) અને પકડીને જમીન ઉપર પછાડી દેતા મોત નિપજાવ્યૂ હોવા અંગેની ફરિયાદ મરણ જનારની પત્નીએ નિઝર પોલીસ સ્ટેશનમાં (Nizar police station) નોંધાવી છે.

સૂત્રો પાસેથી મળતી માહિતી અનુસાર કુકરમુંડા તાલુકાના મોરંબા ગામના વચલું ફળિયાના રહેવાસી ખેત-મજૂરી કરીને કુટુંબ પરિવારનું જીવન ગુજરાન ચલાવનાર 45 વર્ષીય રૂપસિંગભાઇ રાન્યાભાઇ વળવીને પાડોશના રહેવાસીઓ અજબસિંગભાઇ રામાભાઇ વળવી, વિશાલભાઇ અજબસિંગભાઇ વળવી અને અરુણાબેન અજબસિંગભાઇ વળવી નાઓએ ફરિયાદીને જણાવેલ કે "તું મારી પતિ સાથે કેમ સંબંધ રાખી વાતચીત કરે છે" તેવું કહેતા મરણ જનાર સ્થળ ઉપર જ હાજર હોય તે દરમ્યાન ત્રણે આરોપીઓએ ઢીકા મુક્કીનો માર મારી જતા રહયા હતા.

ત્યારબાદ આરોપીઓનું રેતીનું ટ્રેક્ટર જે તેમના ઘરના બાંધકામ માટે મરણ જનારના ઘરનાં આંગણામાંથી લઇ જતા હોય અને આરોપીઓ ત્યા હાજર હોય ત્યારે મરણ જનાર આરોપીઓને કહેવા લાગેલ કે "તમે અમારી સાથે ઝગડો કરો છો એટલે અમારા ઘરના આંગણામાંથી રેતીનું ટ્રેક્ટર લઇ જશો નહી.

બીજા કોઈ રસ્તેથી રેતીનું ટ્રેક્ટર લઇ જાઓ " જેથી આરોપીઓએ ઉશ્કેરાઈ જઈને એક બીજાની મદદગારી કરી મરણ જનારને ઢીકા મુક્કીનો મારમારી પકડીને જમીન ઉપર અફાડી દેતા જેને સારવાર માટે મહારાષ્ટ્રના અક્કલકુવા ખાતે ખાનગી દવાખાને લઇ ગયા હતા.

જ્યાં ફરજ પરના તબીબે તપાસ કરી રૂપસિંગભાઈને મૃત જાહેર કરતાં મરણ જનારના પત્ની અરુણાબેન રૂપસિંગભાઇ રાન્યાભાઇ વળવી દ્વારા નિઝર પોલીસ સ્ટેશનમાં ફરિયાદ નોંધાવી છે. નિઝર પોલીસ દ્વારા ત્રણે આરોપીઓને ગણતરીના કલાકોમા જ ઝડપી પાડી વધુ તપાસ હાથ ધરી હોવાનુંજાણવા મળી રહ્યું છે.

સામાન્ય બાબતના ઝઘડામાં થયેલી હત્યા ગામ સહિત સમગ્ર વિસ્તારમાં ચર્ચાનો વિષય બની ગયો છે