તાપી: ચેકપોસ્ટ પાસે ઇનોવા કારમાં આગ, મળી વિદેશી દારૂની બોટલો

ગુજરાતમાં કાર અકસ્માત બાદ કારમાંથી વિદેશી દારુ મળવાની ઘટનાઓ છાસવારે બનતી રહે છે. દક્ષિણ ગુજરાતમાં આવેલા તાપી સોનગઢ ચેકપોસ્ટ પાસે ઇનોવા કારમાં આગ લાગી હતી. ત્યારે કારનું બોનેટ ખોલીને જોતા કારમાંથી વિદેશી દારૂની બોટલો મળી આવી હતી. દારૂની બોટલો મળી આવતા કાર ચાલક કાર મુકીને ત્યાંથી ફરાર થઇ ગયો હતો. આ અંગે જાણ થતાં પોલીસ ઘટના સ્થળે આવીને આગળની કાર્યવાહી હાથ ધરી હતી. (નરેન્દ્ર બહુચિત્રા, તાપી)

મળતી માહિતી પ્રમાણે સુરત પાસિંગની ઇનોવા કાર નંબર GJ 5 CG 9075 તાપી-સોનગઢ આરટીઓ ચેકપોસ્ટ પાસેથી પસાર થઇ રહી હતી. ત્યારે તેમાં અચાનક આગ લાગી હતી.

આ લાગવાના કારણે કારને રોકી હતી અને ફાયર બ્રિગેડની મદદથી આગ ઉપર કાબુ મેળવવામાં આવ્યો હતો. આ બુજાવ્યા પછી કારનું બોનેટ ખોલતા કારમાંથી વિદેશી દારુની બોટલો મળી આવી હતી.

જેના પગલે કાર ચાલક કાર મુકી ફરાર થયો હતો. આ અંગે પોલીસ પણ ઘટના સ્થળે પહોંચીને આગળની કાર્યવાહી હાથધરી હતી.