કોરોના મહામારીમાં (coronavirus) સુરત શહેમાં (surat city) આરોગ્ય વિભાગતો તેની ક્ષમતા પ્રમાણે લડી રહ્યું છે. પરંતુ સુરતીઓ પણ એક પછી એક પોતાના જિંદાદીલીની સાબીતી આપી રહ્યા છે. પહેલા સામાજિક પ્રિવેન્સન કેર સેન્ટર અને ત્યાર બાદ હવે આરોગ્ય વિભાગના કોરોના વોરીયરની (corona warriors) મદદ માટે યુવાનો તૈયાર થયા છે. આજે ધારસભ્ય હર્ષ સંધવી સહિત આરોગ્ય વિભાગ દ્વારા હાથ ધરવામાં આવેલ ટ્રેનિંગમાં 180થી વધુ યુવાનો જોડાયા હતા. આ તમામ યુવાનો ટુક સમયમાં આરોગ્ય વિભાગ દ્વારા સોપવામાં આવેલી કામગીરીમાં જોતરાઇ જશે. (પ્રજ્ઞેશ વ્યાસ, સુરત)
સુરતમાં હાલમાં કોરોનાના કેસોમાં સતત વધારો થઇ રહ્યો છે. આવા સમયે આરોગ્ય વિભાગમાં તેમજ ડોકટર્સ અને નર્સની કમી ખુબજ વર્તાય રહી છે. જેથી સુરતના યુવાનોને ધારાસભ્ય હર્ષ સંધવી દ્વારા આહવાન કરવામાં આવ્યું હતું કે બનો કોરોના વોલેન્ટર્સ જેથી આજે એકજ દિવસમાં 180 થીવધુ યુવાનોએ વોલેન્ટર્સ બનવા માટે તૈયાર થઇ ગયા હતા.
તેમને આરોગ્ય સચિવ જ્યંતી રવીની હાજરીમાં ખાસ પ્રશિક્ષણ આપવામાં આવ્યું હતું. આગામી દિવસોમાં આ યુવાનોને કોમ્યુનીટી સેન્ટરો ખાતે સેવા માટે જવાબદારી શોપવામાં આવશે.
ઉલ્લેખનીય છેકે હાલમાં જે પોઝિટિવ કેસો સામે આવે છે તેમાં કોરોના પોઝિટિવ કેસોમાં ડોકટર અને નર્સના રીપોર્ટ પણ પોઝિટિવ આવી રહ્યા છે. સામાન્ય રીતે પહેલેથીજ કોવિડની સારવાર આપવા વાળા અને સેવા કરવા વાળા સ્ટાફની કમી છે.
