કિર્તેષ પટેલ, સુરતઃ મિસ વર્લ્ડ અમેરિકાનો (Miss World America) ક્રાઉન દર (Crown) વર્ષે ચીન અને હોંગકોંગમાં તૈયાર થતો હતો. પરંતુ આ વર્ષે આ ક્રાઉન તૈયાર કરવાનું કામ સુરતની ડાયમંડ જ્વેલરી કંપનીને (Diamond Jewelry Company) મળ્યું છે. સુરતની જેમ એન્ડ જ્વેલરી કંપની ગુરુકૃપા એક્સપોર્ટએ કંપનીના 10 કર્મચારીએ રોજની 8-8 કલાક કરેલી મહેનતને અંતે 650 કેરેટ હીરા, 500 ગ્રામ સિલ્વર અને 150 પીસ એમરેલ્ડથી કરોડોની કિંમતનો આ તાજ 25 દિવસમાં બનાવ્યો છે.
દર વર્ષે ચાઇના અને હોંગકોંગમાં તૈયાર થતો મિસ વર્લ્ડ અમેરિકાનો ક્રાઉન પ્રથમ વખત આ વર્ષે સુરતની ડાયમંડ જ્વેલરી કંપનીને બનાવવા માટેનું કામ મળ્યું છે. થોડા દિવસમાં યોજાનારી મિસ વર્લ્ડ અમેરિકા પ્રતિયોગિતા માટે સુરતની જેમ એન્ડ જ્વેલરી કંપની ગુરુકૃપા એક્સપોર્ટને 500 ગ્રામ સિલ્વર, 650 કેરેટના 318 હીરા અને 150 પીસ એમરેલ્ડનો ઉપયોગ કરીને કરોડોની કિંમતનો તાજ તૈયાર કરીને અમેરિકા મોકલી આપ્યો છે. તેમજ મિસ વર્લ્ડ અમેરિકાની જેમ મિસ ટીન અમેરિકા માટેનો તાજ પણ સુરતની આ કંપની દ્વારા તૈયાર કરવામાં આવ્યો છે, જેને ચાલુ સપ્તાહ દરમિયાન એક્સપોર્ટ કરી દેવામાં આવ્યો છે. આ બન્ને તાજનું મૂલ્ય કરોડોમાં છે.
ક્રાઉન બનાવવા માટે સૌપ્રથમ આ ક્રાઉનની પેપર પર ડિઝાઈન તૈયાર કરાવીને તેનું એક મોડલ બનાવાયું હતું. ત્યાર પછી તેના આધારે વેક્સનું મોડલ તૈયાર કર્યા બાદ તેના પર જ ચાંદીથી આખો ક્રાઉન તૈયાર કરવામાં આવ્યો છે. ત્યાર બાદ ડાયમંડ અને એમરેલ્ડ સેટિંગ્સ કરવામાં આવ્યાં, અંતે પોલિશિંગ કરવામાં આવ્યું છે. આ તાજને બનાવવામાં જ 25 દિવસ અને 10 કર્મચારીની ટીમ જોતરાઈ છે. આ ક્રાઉનની ચમક લાંબો સમય રહે એ માટે રેર ઓફ ધ રેર જ્વેલરી પર થતું ધાગા પોલિશિંગ પણ કરવામાં આવ્યું છે.
કંપનીનું આર એન્ડ ડી વિભાગ હું જ સંભાળું છે. વર્ષમાં 8થી 10 મહિના આર એન્ડ ડી અને વૈશ્વિક જેમ એન્ડ જ્વેલરી માર્કેટમાં ક્યા પ્રકારની જ્વેલરીઓની ડિમાન્ડ આવી છે એ જાણવા માટે હું ટ્રાવેલ કરું છે. અમારી કંપનીએ ડાયમંડ-ગોલ્ડના 7 વન્ડર્સ (7 અજાયબી)નાં હેવી પેન્ડેટ તૈયાર કર્યાં હતાં, જેને હું એ તાજ તૈયાર કરવા આપનારને બેવર્લી હિલ્સ ખાતે થયેલી અમારી એક મુલાકાતમાં બતાવ્યા હતા. (પ્રતિકાત્મક તસવીર)
હેન્ડમેડ 7 વન્ડર્સની મેકિંગ અને ડિઝાઈનથી તેઓ પ્રભાવિત થયા અને અમને એટલે કે સુરતને મિસ વર્લ્ડ અમેરિકા અને મિસ ટીન અમેરિકા માટેનો તાજ બનાવવા માટે આપ્યો હતો, જે એક સુરતી તરીકે અમારા માટે ગૌરવપૂર્ણ વાત છે. તેની કિંમતની વાત કરવામાં આવે તો એ કરોડોમાં છે. (પ્રતિકાત્મક તસવીર)
