1/ 5
કિર્તેશ પટેલ, સુરત: સુરતમાં આવેલી સુમુલ ડેરી (Sumul Dairy)એ અમૂલ ગોલ્ડ (Amul Gold Milk) દૂધના એક લીટરે ભાવમાં બે રૂપિયાનો વધારો કરતા સુરતના ગ્રાહકો સાથે છેતરપિંડી (Cheating) કરાતી હોવાના આક્ષેપ સાથે યૂથ કૉંગ્રેસ (Surat Youth Congress) દ્વારા વિરોધ પ્રદર્શન કરવામાં આવ્યું છે. આ મામતે આંજથી સાત દિવસમાં સુમુલ ડેરીના સંચાલકો છેતરપિંડી બંધ નહીં કરે તો યૂથ કૉંગ્રેસ આંદોલન સાથે ડેરી સામે વિરોધ પ્રદર્શન કરશે.
2/ 5
સુરત અને દક્ષિણ ગુજરાત મોટી ગણાતી સુમુલ ડેરી છેલ્લા થોડા દિવસથી સતત વિવાદમાં આવે છે. થોડા સમય પહેલા ચેરમેનની ચૂંટણીને લઈને વિવાદોમાં આવેલી સુમુલ ડેરી ફરી વિવાદમાં આવી છે. સુરતની સુમુલ ડેરી અમૂલ ડેરીના નામે માત્ર અમૂલ ગોલ્ડ દૂધનું સુરત ખાતે પેકિંગ કરે છે.
3/ 5
જોકે, અમૂલ ગોલ્ડના ભાવ ગુજરાતભરમાં માત્ર 56 રૂપિયા છે. પરંતુ સુરતની પ્રજા પાસેથી બે રૂપિયા વધારે લઇને 58 રૂપિયા લેખે વેચાણ કરી રહ્યાના આક્ષેપ સાથે સુરત યૂથ કૉંગ્રેસ દ્વારા આજે કલેક્ટર ઓફિસ પર પહોંચીને વિરોધ નોંધાવવામાં આવ્યો હતો.
4/ 5
ડેરી ફેડરેશનમાં સમગ્ર ગુજરાતમાં એક ભાવ હોય તો માત્ર સુરતના લોકો પાસેથી બે રૂપિયા વધારાને લઈને દરરોજ 13 લાખ અને વર્ષે 47.45 કરોડનો વાર્ષિક નફો રળવામાં આવી રહ્યાનો દાવો કરવામાં આવ્યો છે. આ સાથે સુમુલ ડેરીની અંદર દૂધ ભરતા સભાસદોને એક પણ રૂપિયાનો નફો આપવામાં આવતો નથી.
