સુરતમાં ગાંજાના મોટા નેટવર્કનો પર્દાફાશ! અમરોલીમાંથી 23 લાખ રૂ.નો જંગી જથ્થો ઝડપાયો

કિર્તેશ પટેલ, સુરત : સુરતમાં (Surat) લાંબા સમયથી ગાંજાનો જથ્થો લેવામાં આવે છે જોકે અમરોલી વિસ્તારમાં લેવામાં આવીયો હોવાને લઇને પોલીસે દરોડા પાડીને ખુલ્લી જગ્યામાં સંતાડેલ ગાંજાનો (marijuana) જથ્થો ઝડપી પડ્યો છે અંદાજિત 394 કિલોગ્રામ જેની કિંમત 23 લાખ રૂપિયા થાય છે જેને કબજે કરીને પોલીસે કાયદેસરની કાર્યવાહી કરી છે. (પ્રતિકાત્મક તસવીર)

સુરતમાં રેલવે મારફતે લાંબા સમયથી ગાંજાનો જથ્થો લેવામાં આવે છે જેને લઇને પોલીસ દ્વારા સતત દરોડા પાડવામાં આવે છે ત્યારે સુરતની SOG પોલીસ દ્વારા ગતરોજ અમરોલી વિસ્તરમાં દરોડા પાડવામાં આવિયા હતા જ્યાં રેલવે ટ્રેક નજીક અવાવરું જગ્યામાં બાવળની ઝાડીમાંથી રૂ 23.63 લાખની મત્તાનો 394 કિલોગ્રામ ગાંજો બિનવારસી મળી આવ્યો હતો. (પ્રતિકાત્મક તસવીર)

એસઓજીએ ભરથાણા ગામની સીમમાં રેલવે ટ્રેક નજીક બાલુભાઈ વિરજીભાઇ ડોબરીયાના ખેતરની બાજુમાં આવેલી અવાવરું જગ્યામાં કૂવાની પાસે બાવળની ઝાડીમાં સંતાડેલો ગાંજો બિનવારસી કબ્જે કર્યો હતો. આ અંગે પોલીસે અજાણ્યા વિરુદ્ધ અમરોલી પોલીસ મથકમાં ગુનો નોંધી કાર્યવાહી હાથ ધરી હતી. (પ્રતિકાત્મક તસવીર)

ગાંજાનો આટલો મોટો જથ્થો ટ્રેન મારફતે આવ્યો હશે અને તેને અહીં સંતાડી તેનો વેપાર કરનારા ત્યાંથી લઇ જાય તે પહેલા પોલીસને બાતમી મળતા ઝડપી લીધો હતો. (પ્રતિકાત્મક તસવીર)

જોકે પોલીસે આ મામલે ગુનો નોંધી વધુ તપાસ શરૂ કરી છે ત્યારે કાયમ આજ રીતે ગાંજાનો જથ્થો મંગાવામાં આવે છે ત્યારે પોલીસે આ જથ્થો મંગાવનાર અને મોકલનાર આરોપી ની તપાસ શરુ કરી છે. (પ્રતિકાત્મક તસવીર)